Artsakhpress

Հասարակական

Արցախում սան-մաքրման միամսյակի շրջանակում Բերձորը շաբաթօրյակ է անցկացրել

Արցախի Հանրապետությունում ապրիլի 29-ից մինչև մայիսի 29-ը հայտարարված է սան-մաքրման միամսյակ: Միամսյակի առաջին օրը Քաշաթաղի շրջկենտրոն Բերձորում գործող կազմակերպությունները, շրջվարչակազմը, քաղաքապետարանն իրականացրեցին շաբաթօրյակ:

Արցախում սան-մաքրման միամսյակի շրջանակում Բերձորը շաբաթօրյակ է անցկացրել

Արցախում սան-մաքրման միամսյակի շրջանակում Բերձորը շաբաթօրյակ է անցկացրել

ՍՏԵՓԱՆԱԿԵՐՏ, 30 ապրիլի, ԱՐՑԱԽՊՐԵՍ: Շրջվարչակազմի կառույցների աշխատակիցները մի քանի ժամ  աշխատեցին Երևանյան մայրուղու վրա՝ ԵԿՄ պուրակից մինչև Ներքին Սուս գյուղի մոտակա հատվածում՝ մաքրելով մայթերի մոտակա հատվածներն ու պուրակները: Մինչ այդ մաքրման աշխատանքներ իրականացվեցին նաև շրջվարչակազմի շենքի մոտակա հատվածներում:

Ինչպես միշտ, այս անգամ ևս շաբաթօրյակին ակտիվ մասնակցություն ունեցավ անասնաբուժական կայանի աշխատակազմը՝ տնօրեն Արմեն Էլբակյանի գլխավորությամբ: Նրանք աշխատեցին Բերձորի արևելյան մուտքի տարածքում: Բերձորի քաղաքապետ Արտյոմ Սարիբեկյանը տեղեկացրեց, որ օրվա ընթացքում մայրուղու երկայնքով ձգվող էլեկտրասյուններին փակցվելու են Հայոց Եռագույնները՝ Բերձորի ազատագրման 25 ամյակի առթիվ: Այս օրերին Քաղաքի 2 մուտքերի մոտ փոխվել և ժամանակակից ու գեղեցիկ տեսք է ստացել «Բերձոր» ցուցանակը:

Որոշակի բարեկարգման աշխատանքներ են կատարվում նաև քաղաքի կենտրոնում: Շրջվարչակազմի ղեկավարի տեղակալ Արտուշ Մխիթարյանի հետ շրջեցինք քաղաքում, եղանք տարբեր կազմակերպություններում: «Արցախէներգո» ՓԲԸ շրջանային կառույցի աշխատակիցներն իրենց շենքի մոտակայքւմ էին շաբաթօրյակ իրականացնում: Նրանց հարևանությամբ էին ԱՀ ԿԱ ԱԻՊԾ Քաշաթաղի շրջանային փրկարար ծառայության մարտիկները, ապա՝ ՇՈԲ աշխատակիցները; Ավելի վեր գտնվող Բերձորի պետական մանկապարտեզի շենքում գործում են նաև միքանի այլ կառույցներ ևս: Շենքի մոտակայքում էին աշխատում մանկապարտեզի և Բերձորի արվեստի դպրոցի  անձնակազմերը:

Օրվա ընթացքում շրջվարչակազմի աշխատակազմի վերաբնակեցման բաժնի վարիչ Ռոբերտ Մաթևոսյանի հետ այցելեցի Աղավնո գետի հովիտ՝ Ծիծեռնավանքի գյուղական համայնք: Այս օրերին շրջվարչակազմի ենթակայությամբ գործող «Քաշաթաղի ջրամատակարարում» ՓԲԸ-ն իրականացնում է Աղավնո-Լեռնահովիտ ճանապարհահատվածի բարեկարգում: Բացի այդ փոխվում ու թարմացվում են բնակավայրերի անվանումների ցուցանակները: Գեղեցիկ ձևավորում է ստացել Ծիծեռնավանքի ցուցանակը, որի վրա պատկերված է գյուղի Սուրբ Գևորգ եկեղեցու նկարը՝ անվանումով ու կառուցման ժամանակով(4-րդ դար. նկարը՝ Վարսենիկ Ըռքոյանի): Թարմացվել են նաև Մելիքաշեն և Տանձուտ գյուղերի անվանումների ցուցանակները, աշխատանքները շարունակվելու են այլ համայնքներում: Մեր այցի պահին Տանձուտի հիմնական դպրոցի հարակից այգում, որը հիմնվել է 2 տարի առաջ՝ նվիրված Հայոց Մեծ Եղեռնի 100-ամյա տարելիցին, բարձրդասարանցիները, ֆիզկուլտուրայի ուսուցչի գլխավորությամբ, թռիչքի փոս էին պատրաստում: Մնացած աշակերտները դասի էին: Տնօրեն Վանո Արշակյանը տեղեկացրեց, որ սան-մաքրման աշխատանքներ են կատարել առավոտյան դպրոցի տարածքում: Ցանկանում են շենքի նկուղային հարկում ապաստարան հիմնել: Օրվա ընթացքում շաբաթօրյակներ կայացան նաև շրջանի շատ բնակավայրերում:

Զոհրաբ Ըռքոյան

 


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Էլեկտրաէներգիայի սակագների փոփոխության վերաբերյալ որոշումն ուժը կորցրած է ճանաչվել. Հայկ Խանումյան

Ադրբեջանական սադրանքի հետևանքով հայկական կողմն ունի 3 զոհ․ ՀՀ ՊՆ

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ՀՀ ԳՇ պետի տեղակալ

Ռուսական ուժերը ոչնչացրել են «Բայրաքթար» դրոնների կառավարման վերերկրյա կայանը

ՀայՓոստ նշած բոլոր շահառուների դրամական աջակցության փոխանցումները կատարվել են. ԱՀ բնակարանային հարցերի կոմիտե

Ադրբեջանի ԶՈւ-ն ականանետերի և խոշոր տրամաչափի հրաձգային զինատեսակների կիրառմամբ կրակ է բացել հայ-ադրբեջանական սահմանի արևելյան ուղղությամբ

Անվտանգության խորհրդի նիստում Արցախի հարցով միաձայն հայտարարություն է ընդունվել

Համայնքի տարածքում բացօթյա առևտրի թույլտվության համար սահմանվել է օրական 100-350 դրամի չափով տեղական տուրք

Փայլանը՝ Թուրքիայի իշխանություններին․ «Նախ ներողություն խնդրեք հայերից, քրդերից և ասորիներից»

Search