Այսօր Արցախի պետական համալսարանում կազմակերպվել է «Ուսանողական գարուն-2017» փառատոնը:
ԱրՊՀ-ում կազմակերպվել է «Ուսանողական գարուն-2017» փառատոնը (լուսանկարներ)
ՍՏԵՓԱՆԱԿԵՐՏ, 24 մայիսի, ԱՐՑԱԽՊՐԵՍ: Փառատոնին ներկայացվել է հայկական և արտասահմանյան երգեր և պարեր, հումորային համարներ, բեմադրություն, տարբեր երկրների մշակույթներ:
«Արցախպրես»-ի թղթակցի հաղորդմամբ՝ ԱրՊՀ ուսանողների հետ տարվող աշխատանքների, հասարակայնության հետ կապերի և լրատվության բաժնի պետ Զարինե Սառաջյանն ասել է,որ այս տարվա ուսանողական գարուն փառատոնը նախորդներից տարբերվում է նրանով, որ մրցութային չէր:
«Միջոցառմանն իրենց մասնակցությունն են բերել համալսարանի բոլոր ֆակուլտետները:Նման միջոցառումները մեծ դեր ունեն ուսանողների համար. այն բարձրացնում է ուսանողների կրթադաստիարակչական մակարդակը: Անցած երկու տարիներին ԱրՊՀ-ում չի կազմակերպվել նման միջոցառումներ. 2015 թվականին չկայացավ Հայոց Ցեղասպանության 100-ամյա տարելիցի, իսկ 2016 թվականին՝ ապրիլյան պատերազմի պատճառներով: Թող այսուհետ ուսանողական գարունները լինեն մեր ամենամյա միջոցառումներից մեկը»,-ավելացրել է Զ. Սառաջյանը:
ԱրՊՀ-ի բանասիրական ֆակուլտետի անգլերն լեզվի և գրականության 3-րդ կուրսի ուսանողուհի Անի Հարությունյանն իր խոսքում նշել է, որ նման միջոցառումները պետք է բարձրացնեն ուսանողների հայրենասիրության աստիճանը, կազմակերպվածությունը, պատասխանատվությունը:
«Նմանատիպ միջոցառումները մեզ՝ ուսանողներիս հնարավորություն է տալիս որպեսզի լինենք ավելի մշակութասեր, ազգասեր, քանի որ հենց այդ նպատակն է հետապնդում նման միջոցառումները»,-մասնավորապես ասել է Ա. Հարությունյանը:
Միջոցառմանը ներկա էին ԱրՊՀ ռեկտոր Մանուշ Մինասյանը, համալսարանի պրոֆեսորադասախոսական կազմը, ուսանողներ և այլք: