Artsakhpress

Մշակույթ

Բերձորի արվեստի դպրոցը հանդես է եկել հաշվետու համերգով

«Բերձորի արվեստի դպրոց» ՊՈԱԿ-ը, որ Բերձորի 1996-ին ստեղծված երաժշտական դպրոցի իրավահաջորդն է, 2016-17 ուստարում ուներ 286 սան և 25 ուսուցիչ:

Բերձորի արվեստի դպրոցը հանդես է եկել հաշվետու համերգով

Բերձորի  արվեստի դպրոցը հանդես է եկել հաշվետու համերգով

ՍՏԵՓԱՆԱԿԵՐՏ, 4 հունիսի, ԱՐՑԱԽՊՐԵՍ: Մշակութային այս կրթօջախը Քաշաթաղի շրջանում միակն է, և մասնաճյուղեր ունի նաև այլ համայնքներում: Դպրոցում գործում են երաժշտական տարբեր բաժիններ, ինչպես նաև՝ կերպարվեստի և պարարվեստի խմբակներ: 

Հունիսի 3-ին դպրոցի դահլիճում հաշվետու համերգով հանդես եկան երաժշտարվեստի բաժնի տարբեր դասարանների սաները: Դպրոցի տնօրեն Արարատ Սուջոյանը տեղեկացրեց, որ դաշնամուրի բաժնի մասնաճյուղեր կան Գետամեջի և Վուրգավանի գյուղական համայնքներում՝ համապատասխանաբար՝ 10 և 12 սաներով: Կովսականում 42 երեխաներ ընդգրկված են պարարվեստի խմբակում: Արաքսամերձ Միջնավան քաղաքում գործող կերպարվեստի խմբում կա 24 աշակերտ, իսկ պարարվեստի խմբում՝ 12: Բերձորում պարարվեստի խմբակում սովորում են 55 երեխա, իսկ կերպարվեստինում՝ 48: Երաժշտական թևում 31 սան ունի դաշնամուրի բաժինը: Այս ուստարում դպրոցը տվեց 26 շրջանավարտ, ովքեր վերջերս բարեհաջող հանձնեցին ավարտական քննությունները: Շրջանավարտներից ևս  մասնակից եղան հաշվետու համերգին:

Դահլիճում էին շրջվարչակազմի ղեկավարի տեղակալ Արտուշ Մխիթարյանը, տարբեր բաժինների, քաղաքում գործող այլ կառույցների ղեկավարներ,  աշխատակիցներ, ծնողներ, ուսուցիչներ, հյուրեր: Առաջինը հանդես եկան 5 դհոլահարները, ովքեր ներկայացրեցին հայկական պարեղանակներ: Դպրոցի դաշնամուրի դասատու Հասմիկ Գրիգորյանի նվագակցությամբ ելույթ ունեցան քանոնի, դաշնամուրի, երգեցողության, շեփորի, կիթառի բաժինների սաները՝ հաճելի պահեր պարգևելով ներկաներին: Դահլիճում ներկաների տրամադրությունն առավել բարձրացավ համերգի ավարտից առաջ, երբ 4 երգով հանդես եկավ դպրոցի մանկական երգչախումբը՝ խմբավար Հ. Գրիգորյանի նվագակցությամբ:  Կատարվեցին Հայաստան և այլ երգեր սիրված մուլտֆիլմերից: Դպրոցի փոխտնօրեն Անահիտ Մուրադյանը գոհ էր մանկավարժների աշխատանքից, սաների կատարումներից: Աշակերտներն ուրախ էին, որ համերգի ընթացքում կարողացան բավականություն պատճառել ներկաներին և շնորհակալ էին իրենց դասատուներին, ովքեր իրենց երգ ու երաժշտություն են սովորեցնում:

 Զոհրաբ Ըռքոյան

 


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ԱՍՄՀ նախարարությունը ներկայացրել է 50 հազար դրամ միանվագ դրամական աջակցության շահառուների ցանկը

Քովիդի դեմ պայքարը խստացվում է. որոշումն ուժի մեջ է մտնում հոկտեմբերի 13-ից

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

ՀՀ կառավարությունն Արցախից տեղահանվածներին դրամական նոր աջակցություն կտրամադրի

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Որևէ մեկի կյանքին վտանգ չի սպառնում. պետնախարարն այցելել է վիրավորներին

Պատերազմ հնարավոր չէ. Դավիթ Բաբայանը տեղեկություններ հաղորդեց Արցախի իրավիճակից

Search