Artsakhpress

Մշակույթ

Աշխարհահռչակ դաշնակահար Արկադի Վոլոդոսը համերգ կունենա Երևանում

Այսօր տեղի կունենա փառատոնի իրադարձային համերգներից մեկը. առաջին անգամ Երևան և ողջ տարածաշրջան կժամանի աշխարհահռչակ դաշնակահար Արկադի Վոլոդոսը:

Աշխարհահռչակ դաշնակահար Արկադի Վոլոդոսը համերգ կունենա Երևանում

Աշխարհահռչակ դաշնակահար Արկադի Վոլոդոսը համերգ կունենա Երևանում

ՍՏԵՓԱՆԱԿԵՐՏ, 3 հուլիսի, ԱՐՑԱԽՊՐԵՍ: Գերաստղը այն երաժիշտներից է, ով հատուկենտ և փոքրաթիվ համերգներ է նվագում տարվա ընթացքում, հակառակ այն անվերջ հետաքրքրության, որ ունեն նրա հանդեպ աշխարհի առաջատար փառատոները: Վոլոդոսն ընտրում է մի շարք եվրոպական քաղաքներ, որտեղ նրան հաճելի է հանդես գալը, և շարունակաբար մերժում առավել հեռու գտնվող քաղաքներ մեկնելը, առավելևս այլևս չի նվագում Եվրոպայից դուրս: Վոլոդոսի համերգների տոմսերը վերջանում են ամիսներ առաջ, իսկ բազմաթիվ հեղինակավոր համերգասրահներ տարիներ ի վեր սպասում եմ նրա համերգի հնարավորությանը:

Նրա մասին գրել են. «Վոլոդոսն ունի ամեն ինչ- երևակայություն, կիրք և ֆենոմենալ տեխնիկա, որոնց միջոցով նա դուրս է հանում իր գաղափարները դաշնամուրի վրա: Նրա անսահման վիրտուոզությունը, միավորվելով ռիթմի, գույների և բանաստեղծականության յուրահատուկ զգացողության հետ, դարձնում են Վոլոդոսին տպավորիչ պատմությունների և անվերջանալի աշխարհների «բանասաց»»։

Panorama.am-ի փոխանցմամբ՝ «Երևանյան Հեռանկարներ» փառատոնի երկարամյա բանակցությունները  վերջնականապես պսակվեցին հաջողությամբ: Արտիստի մենեջմենթի հետ տևական աշխատանք էր տարվել Եվրոպայից Երևան ժամանող չվերթներից մեկը նրա համար հնարավոր օրերի հետ համադրելու համար: Արկադի Վոլոդոսը, անելով նման բացառություն և համաձայնելով գալ այս աշխարհամաս, լրջորեն քննարկել և հաշվի է առել «Երևանյան Հեռանկարներ» փառատոնի բարձրագույն գեղարվեստական մակարդակը:

Այսօր Արամ խաչատրյան մեծ համերգասրահում կայանալիք բացառիկ մենահամերգի ընթացքում վիրտուոզ դաշնակահարը կկտարարի Շոպենի, Բրամսի և Շուբերտի ստեղծագործությունները: Նրա հետ Երևան է ժամանելու «Ստեյնվեյ ընդ սանս» ընկերության հայտնի մասնագետներից մեկը, ով երկու օրերի ընթացքում պետք է նախապատրաստի Արամ Խաչատրյան համերգասրահի ռոյալը` Արկադի Վոլոդոսի մենահամերգի համար:

«Երևանյան Հեռանկարներ» փառատոնն այս տարի ներկայացրել է Պինխաս Ցուկերմանի և Ռուսաստանի Պ.Ի. Չայկովսկու անվան մեծ սիմֆոնիկ նվագախմբի համերգները` ականավոր դիրիժոր Վլադիմիր Ֆեդոսեևի ղեկավարությամբ:

«Հեռանկարներ»-ը հիմնադրվել է 2000 թ.-ին, այսօր այն հանդիսանում է Եվրոպայի լավագույն մեկ տասնյակ փառատոներից մեկը: Հիմնադիր նախագան և գեղարվեստական ղեկավարն է կոմպոզիտոր Ստեփան Ռոստոմյանը:

Փառատոնն անց է կացվում ՀՀ Նախագահ Սերժ Սարգսյանի բարձր հավանու ներքո:

 


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ԱՍՄՀ նախարարությունը ներկայացրել է 50 հազար դրամ միանվագ դրամական աջակցության շահառուների ցանկը

Քովիդի դեմ պայքարը խստացվում է. որոշումն ուժի մեջ է մտնում հոկտեմբերի 13-ից

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

ՀՀ կառավարությունն Արցախից տեղահանվածներին դրամական նոր աջակցություն կտրամադրի

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Որևէ մեկի կյանքին վտանգ չի սպառնում. պետնախարարն այցելել է վիրավորներին

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Search