Artsakhpress

Մշակույթ

Շուշիում տեղի է ունեցել Դանիել Դեքերի համերգային երեկոն (լուսանկարներ)

ԱՀ մշակույթի և երիտասարդության հարցերի նախարարության և ՀՀ մշակույթի նախարարության նախաձեռնությամբ՝ «Իմ Արցախ» նախագծի շրջանակներում սեպտեմբերի 3-ին Շուշիում տեղի է ունեցել ամերիկացի երգիչ և կոմպոզիտոր Դանիել Դեքերի համերգային երեկոն՝ Հայաստանի ազգային նվագարանների պետական նվագախմբի կատարմամբ՝ գեղարվեստական ղեկավար և գլխավոր դիրիժոր՝ ՀՀ վաստակավոր արտիստ, պրոֆեսոր Նորայր Դավթյանի գլխավորությամբ:

Շուշիում տեղի է ունեցել Դանիել Դեքերի համերգային երեկոն (լուսանկարներ)

Շուշիում    տեղի է  ունեցել    Դանիել  Դեքերի     համերգային    երեկոն  (լուսանկարներ)

ՍՏԵՓԱՆԱԿԵՐՏ, 4  սեպտեմբերի, ԱՐՑԱԽՊՐԵՍ:Երեկոյի  ընթացքում     Դանիել  Դեքերը    հայերեն  և  անգլերեն  լեզուներով   կատարել  է  հայկական  ժողովրդական    երգեր:

Համերգի  ընթացքում  Դեքերը  զուգերգերով    հանդես  է  եկել   երգիչներ  Լեյլա  Սարիբեկյանի, Համլետ  Գևորգյանի, Եվա  Եգանյանի, Անահիտ  Շահբազյանի, Մաշա  Մնջոյանի  հետ՝ նվագելով   նաև   դաշնամուր: Միջոցառմանը հնչել  է  նաև  Դանիել  Դեքերի   «Արաքս»  երգի   պրեմիերան.  խոսքերի  հեղինակը   Դանիել  Դեքերն  է,   երաժշտությունը   Արա Գևորգյանինն է։

Երգիչը  նաև    բեմից  ցուցադրել  է  իր   հայկական  անձնագիրը:

«Արցախպրես»-ի  թղթակցի  հետ  զրույցում   Դանիել  Դեքերն  ասել  է, որ   առաջին  անգամ  է  Արցախում:

«Ես  անչափ  ուրախ  ու  հպարտ  եմ, որ  գտնվում   եմ  Արցախում  և  երգում եմ   արցախցիների   համար՝  արժանանալով   նման   ջերմ   ընդունելության:  Այստեղ  եմ, որ  քաջալերեմ   արցախցիներին և  ցույց   տամ, որ  մենք միշտ կանգնած  ենք  ձեր  թիկունքում: Հայոց  պատմությունն ուսումնասիրելով՝   տեղեկացա սարսափելի  իրադարձության՝ Հայոց  Ցեղասպանության  մասին  և   որոշեցի, որ   ես  անպայման  երգելու եմ  «Ադանա»  երգը: Ես   հասկանում  եմ   իմ   երգերի  իմաստը,  և  հենց  դա  է  ինձ  ստիպում   երգել   սրտի  խորքից:  Իհարկե,   ես ամենուր   խոսում  եմ  և՛  Ցեղասպանության,  և՛   Արցախի  խնդրի  մասին  և   կոչ  եմ  անում   աշխարհի  բոլոր   հայերին, որպեսզի   միավորված  լինեն»,-ասել  է  Դ. Դեքերը: 

Խոսելով  Ադրբեջանի   «սև  ցուցակ»-ում  հայտնվելու  մասին՝  երգիչն  ասաց, որ  այդ  հարցում    ինքը   խնդիր  չի  տեսնում:  

Նորայր  Դավթյանն  էլ   նշել  է.«Այս  օրերին  Արցախում  լինելը  մեծ  խորհուրդ  ունի  և   պատվաբեր  է   բոլորիս  համար: Ամեն  անգամ  Արցախ  գալով՝  օրս  տոն  է  դառնում:  

Դանիել   Դեքերը   հրաշալի  է  երգում և  փայլուն  հասկանում է,  թե  ինչ է    երգում՝ արժանանալով      շատ  ջերմ  ընդունելության: Կարծում  եմ՝  տաղանդավոր   երգչի  հետ մեր   համագործակցությունը   շարունակական   կլինի»:

Երգչուհի  Լեյլա  Սարիբեկյանը,  մեզ  հետ  կիսելով  իր  տպավորությունները,  ասել  է. 

«Արցախում     լինելն  ինձ  համար  միշտ  էլ    ցանկալի  է: Արցախ  աշխարհն  առանձնահատուկ  է,   և    բոլորը  գիտեն, որ  իմ  սիրտն  այստեղ  է: Այսօրվա  համերգը  խորհրդանշական  էր  այն  առումով, որ  ես  և  Դանիել  Դեքերն  առաջին  զուգերգն  ենք  կատարել: Միշտ  էլ  հպարտությամբ   եմ  ասել, որ  Արցախի  հանդիսատեսն  առանձնահատուկ  է  իր  տեսակով, ընդունելությամբ,  իր  ընկալունակությամբ: Արցախյան  բեմից  առ  այսօր  չի  հնչել  մի  այնպիսի  երգ, որը  հարիր   չէ  այս   սուրբ  հողին,  և  դա   քաջալերում  է  մեզ»:

Համերգից  ստացած  իր   տպավորություններով  մեզ  հետ  կիսվել  է   «Վարանդա» մանկապատանեկան, երիտասարդական պետական երգչախմբի հիմնադիր   Զաքար  Քեշիշյանը:

«Շատ  ոգևորված  եմ, որովհետև    Շուշիում  է  Հայաստանում   մեծ  արժեք  ներկայացնող    երաժշտախմբերից  մեկը՝ Հայաստանի  ազգային  նվագարանների  պետական   նվագախումբը՝   Նորայր  Դավթյանի      գլխավորությամբ,-ասել  է   Զ. Քեշիշյանը  և  ընդգծել,-աշխարհը     պետք  է  նաև   այս   ձևով  ճանաչի  մեզ, որովհետև  այն  նշանավոր,     հանրահայտ  մարդիկ, որոնք    սիրում  են   մեզ  և  հավատում   մեր   դատին,    մեր  կողքին  են   և    ուսումնասիրում  են  մեր  պատմությունը, ծանոթանում   մեր   չքնաղ  երկրին  և  ձգտում   մեր  ունեցածը  ներկայացնել  աշխարհին՝  թե՛  քաղաքական, թե՛  մշակութային, թե՛  ճանաչողական  իմաստներով: Ես  կարծում   եմ, որ   Դանիել  Դեքերին   կմիանան  շատ  ու  շատ    արվեստագետներ»: 

Միջոցառմանը  ներկա   էին  ԱՀ  մշակույթի  և  երիտասարդության  հարցերի  նախարար  Նարինե  Աղաբալյանը, արվեստագետներ   Արցախից  և  Հայաստանից, մշակութասեր   հասարակություն   և այլք:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ես եմ «Բարձրացած բռունցք, Արցախ-Ղարաբաղ» գողացված տարբերանշանի իրական հեղինակը. Վահե Ֆատտալի բաց նամակը

«Ֆորբսը» հայուհուն ներառել է աշխարհի մինչև 30 տարեկան ամենաազդեցիկ մարդկանց ցանկում

Ստեփանակերտում խոշոր մարզահամալիր կկառուցվի. Արայիկ Հարությունյանը բարեգործական նոր ծրագրերի մասին է հայտարարել

Գյուղական համայնքներում տուն կառուցելու համար նոր փոխառություն կտրվի. պետնախարարը Կարմիր շուկայում խորհրդակցություն է անցկացրել

Վիրավորված եմ ինձ զգում Բելառուսի կողմից մեր պետությանը հասցրած վիրավորանքի համար. Արթուր Աղաբեկյան

Նիկոլ Փաշինյանն այցելել է մարտական հենակետ և հետևել մարտավարական զորավարժությանը

Ինչո՞ւ է հետաձգվել «Հին Երևան» նախագիծը. Արայիկ Հարությունյանը հետաքրքիր մանրամասներ է ներկայացրել

Մահացել է Արթուր Ապրեսովը

Իրանի հետ պատրաստ ենք երկկողմ հարաբերություններ հաստատել. Մասիս Մայիլյան

Search