Artsakhpress

Միջազգային

Իրաքի Գերագույն դատարանը կասեցրեց հանրաքվեի անցկացումը Քրդստանում

Իրաքի Գերագույն դաշնային դատարանը սեպտեմբերի 18-ին որոշում Է հրապարակել Իրաքյան Քրդստանի անկախության շուրջ հանրաքվեի անցկացումը կասեցնելու մասին:

Իրաքի Գերագույն դատարանը կասեցրեց հանրաքվեի անցկացումը Քրդստանում

Իրաքի Գերագույն դատարանը կասեցրեց հանրաքվեի անցկացումը Քրդստանում

ՍՏԵՓԱՆԱԿԵՐՏ, 18 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ:  Այդ մասին ասված Է դատարանի մամուլի ծառայության հաղորդագրության մեջ:

«Դատարանը որոշում Է հրապարակել Քրդստան տարածաշրջանի նախագահի հրամանագրով 2017 թվականի սեպտեմբերի 25-ին նշանակված հանրաքվեի անցկացումը կասեցնելու մասին՝ մինչեւ այդ որոշման սահմանադրականության վերաբերյալ որոշման ընդունումը»,-ասված Է դատարանի մամուլի ծառայության ղեկավար Իյաս աս Սամուկի հայտարարության մեջ:

Ինչպես հայտնել Է Իրաքի վարչապետ Հայդեր ալ Աբադիի մամուլի ծառայությունը, Գերագույն դատարանը որոշումն ընդունել Է Իրաքից որեւիցե տարածաշրջանի կամ նահանգի անջատման սահմանադրական չլինելու մասին նրա կողմից տրված հայտարարությանն ի պատասխան:

Ավելի վաղ Իրաքյան Քրդստանում անկախության հանրաքվեի անցկացման բարձրագույն հանձնաժողովը մերժել Է արեւմտյան երկրների՝ հանրահարցմանն այլընտրական առաջարկությունը: «Այդ առաջարկությունները չեն բովանդակում երաշխիքներ, որոնք կբավարարեին տարածաշրջանի բնակիչներին… Հանրաքվեն տեղի կունենա ավելի վաղ նշանակված ժամկետում»,- ասված Է հաղորդագրության մեջ:

Դրա հետ մեկտեղ նշվում Է, որ հանձնաժողովը «կշարունակի բանակցությունները համաշխարհային հանրակցության բոլոր շնհագրգիռ կողմերի հետ»:

Ինքնավար Իրաքյան Քրդստանի իշխանությունները Իրաքից անջատվելու շուրջ հանրաքվեն նշանակել են սեպտեմբերի 25-ին՝ անտեսելով կենտրոնական իշխանությունների կարծիքը: Բաղդադում քվեարկությունը համարում են անօրինական, դրան դեմ Է քվեարկել խորհրդարանը: Անցած շաբաթ ԱՄՆ-ի, Ֆրանսիայի, Գերմանիայի եւ ՄԱԿ-ի ներկայացուցիչները Իրաքյան Քրդստանի ղեկավար Մասուդ Բարզանիի հետ կայացած հանդիպմանը հանդես են եկել այլընտրական առաջարկությամբ՝ հորդորելով հետաձգել անկախության հանրաքվեն, հաղորդել Է ՌԻԱ Նովոստին:


     

Քաղաքական

Հասարակական

Ռազմական

Search