Artsakhpress

Տնտեսական

Արայիկ Հարությունյանը Ասկերանում խորհրդակցություն է անցկացրել՝ գյուղատնտեսական ընթացիկ աշխատանքների թեմայով

Արցախի Հանրապետության պետական նախարար Արայիկ Հարությունյանը հոկտեմբերի 17-ին, Ասկերան քաղաքում, շրջանի համայնքների ղեկավարների, գյուղատնտեսության պատասխանատուների և խոշոր հողագործների մասնակցությամբ, աշխատանքային խորհրդակցություն է անցկացրել՝ աշնանացանի և գյուղատնտեսական այլ ընթացիկ աշխատանքների շուրջ:

Արայիկ Հարությունյանը Ասկերանում խորհրդակցություն է անցկացրել՝ գյուղատնտեսական ընթացիկ աշխատանքների թեմայով

Արայիկ Հարությունյանը Ասկերանում խորհրդակցություն է անցկացրել՝ գյուղատնտեսական ընթացիկ աշխատանքների թեմայով

ՍՏԵՓԱՆԱԿԵՐՏ, 17 հոկտեմբերի, ԱՐՑԱԽՊՐԵՍ: Խորհրդակցությանը զեկույցով հանդես է եկել շրջանի գյուղատնտեսության պատասխանատուն: Վերջինս, մասնավորապես, նշել է, որ աշնանացանի աշխատանքներն ակտիվ ընթացքի մեջ են, և շրջանի հողօգտագործողները վարի ու ցանքսի համար գյուղտեխնիկայի խնդիր չունեն: Նախորդ տարվա համեմատ, ըստ զեկուցողի, այս տարի շրջանի համախառն աշնանացան բերքի արդյունքն աճել է շուրջ 1000 տոննայով՝ կազմելով 30.567 տոննա: Զեկուցման ընթացքում նշվել է նաև, որ այս օրերին ընթանում է կարկուտից տուժած հողօգտագործողներին աջակցելու գործընթացը:

Ա. Հարությունյանը բավարար է գնահատել կատարված աշխատանքները, սակայն նշել է, որ շարունակում է դժգոհ մնալ հողամշակության ընդհանուր մակարդակից, քանի որ հողագործների մեծ մասը չի հետևում ագրոկանոնների պահանջներին և քիչ է զբաղվում գարնանացան մշակաբույսերով: 
«Չնայած բազմաթիվ հանդիպումներին ու հորդորներին՝ հետևողական աշխատանքի արդյունավետությունը շարունակում է ցածր մնալ: Եթե հողը ճիշտ չի մշակվում, ապա փոշիացվում է հանրային հարստությունը: Դրանից խուսափելու նպատակով, գյուղատնտեսության զարգացման հայեցակարգի ընդունումից հետո, խստացնելու ենք չափորոշիչները, և պետական աջակցությունից օգտվելու հնարավորություն են ունենալու միայն այն ֆերմերները, ովքեր իրենց գործունեությունը կիրականացնեն պահանջվող կանոններին համապատասխան»,- ասել է պետնախարարը: 


Ա. Հարությունյանը խորհրդակցության ընթացքում անդրադարձել է նաև անասնաբուծության, բանջարաբուծության և պտղաբուծության զարգացման պետական առաջիկա քաղաքականությանը: Պետնախարարը նշել է, որ բոլոր ուղղություններում կառավարությունը շարունակելու է հատուկ քաղաքականություն իրականացնել, և կոչ է արել ներկաներին ակտիվ ներգրավվել այդ աշխատանքներում: 

Հանդիպմանը մասնակցում էր նաև գյուղատնտեսության նորանշանակ նախարար Ժիրայր Միրզոյանը:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

ՀՀ գլխավոր դատախազի հանձնարարությունը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Search