Artsakhpress

Ռազմական

Բացվել է տեխնիկական ժամանակակից սարքավորումներով վերազինված ՊԲ տեղեկատվական կենտրոնը

Այսօր՝ հոկտեմբերի 24-ին, տեղի է ունեցել ԱՀ պաշտապանության բանակի տեխնիկական ժամանակակից սարքավորումներով վերազինված տեղեկատվական կենտրոնի բացումը:

Բացվել է տեխնիկական ժամանակակից սարքավորումներով վերազինված ՊԲ տեղեկատվական կենտրոնը

Բացվել է տեխնիկական ժամանակակից սարքավորումներով վերազինված ՊԲ տեղեկատվական կենտրոնը

ՍՏԵՓԱՆԱԿԵՐՏ, 24 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ տեղեկատվական կենտրոնի բացմանը ներկա ԱՀ պաշտպանության բանակի հրամանատար Լևոն Մնացականյանն ասել է, որ վերջին բազմաստիճան հրամանատարաշտաբային զորավարժության ժամանակ ՊԲ լրատվության, քարոզչության բաժնի սպաների կողմից արդեն փորձարկվել է կենտրոնի հնարավորությունները:

«Տեղեկատվական ժամանակակից կենտրոն ունենալու անհրաժեշտությունը առաջացել է հատկապես 2016 թվականի ապրիլյան գործողություններից հետո: Սակայն այն, ինչ ունենք այսօր, դեռևս բավարար չենք համարում և նախատեսում ենք ընդլայնել ստեղծված հնարավորությունները»,- ասել է Լ. Մնացականյանը և ավելացրել, որ բանակային թեմաների լուսաբանման համար լրագրողների համար սահմանվելու է նոր կարգ, որով պետք է առաջնորդվեն բոլոր լրատվամիջոցների ներկայացուցիչները:

Կենտրոնի տեխնիկական վերազինման գլխավոր հովանավոր «Յուքոմ» հեռահաղորդակցական ընկերության խորհրդի նախագահ Գուրգեն Խաչատրյանը նշել է, որ ընկերությունը Հայաստանում և հատկապես Արցախում սահմանային անվտանգության համակարգերի համալրման աշխատանքներին մշտապես ցուցաբերում է իր աջակցությունը: «Ունենք տեսանելի դրական արդյունքներ, բայց անելիքներն էլ շատ են:

Ոլորտի յուրահատկությունն այն է, որ համակարգերի անընդհատ արդիականացումը շարունակական պրոցես է»,- ասել է Գ. Խաչատրյանը և ավելացրել, որ «Յուքոմ»-ը շարունակելու է աջակցել ՊԲ տեղեկատվական կենտրոնում տեղադրված համակարգերի կատարելագործման և ընդհանուր կազմակերպչական հարցերին:

«Պանարմենիան մեդիա գրուպ»-ի գլխավոր տնօրեն Արմեն Արզումանյանն էլ նշել է, որ ժամանակակից հակամարտություններում տեղեկատվական անվտանգությունը, պայքարը և պատերազմը կարևորագույն մաս են կազմում, և այդ առումով ղարաբաղյան հակամարտությունը բացառություն չէ:

«Մենք պատրաստ ենք նորաբաց կենտրոնին մասնագիտական աջակցություն ցուցաբերել՝ մասնավորապես կադրերի վերապատրաստման և նոր տեխնոլոգիաների օգտագործման առումով: Տեղեկատվությունն օգտագործելու հատուկ մեթոդներ կան, և մասնագիտական կարողությունները ևս կարևոր են»,- ասել է Ա. Արզումանյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հանրապետության ողջ տարածքում սեպտեմբերի 27-ին՝ ժամը 11:00-ին, լռության րոպե կհայտարարվի, կկատարվի նաև հոգեհանգստյան արարողություն

Տեղահանվածների կեղծ տվյալներ ներկայացնելով հյուրանոցը պետությունից հափշտակել է 19,5 մլն դրամ գումար

Արցախի ժողովրդի բարեկեցությանն ուղղված ծրագրերի իրականացման համար «Տաշիր գրուպ»-ը կհատկացնի մոտ 50 միլիոն դոլար

Նիկոլ Փաշինյանը ցավակցական հեռագիր է հղել Վլադիմիր Պուտինին

Պատերազմի հետևանքով նյութական վնաս կրած քաղաքացիների հայտերն ընդունվում են ըստ հերթականության. պատասխանատու

Ստեփանակերտում թշնամու լեզվի ուսուցման դասընթաց կկազմակերպվի

Հանրապետության որոշ համայնքներում հոսանքի ժամանակավոր անջատում կլինի

Ադրբեջանցիները կրակել են Արցախում բերքահավաք իրականացնող բնակիչների ուղղությամբ

Իրանը Ադրբեջանի հետ սահման է տեղափոխել հիմնականում հարձակողական բնույթի զինտեխնիկա և մարդկային ուժ. Իրանագետ

Search