Artsakhpress

Հասարակական

Ստեփանակերտում ֆրանսախոսների ակումբը նշել է գործունեության 20 ամյակը

Արցախում «Ֆրանսիայի բողոքական եկեղեցու և Հայաստանի միջև համերաշխություն» (SPFA) բարեգործական կազմակերպության Արցախի գրասենյակը նշել է Ստեփանակերտում իր հովանու ներքո գործող ֆրանսախոսների ակումբի ստեղծման 20-ամյակը:

Ստեփանակերտում ֆրանսախոսների ակումբը նշել է գործունեության 20 ամյակը

Ստեփանակերտում ֆրանսախոսների ակումբը նշել է գործունեության 20 ամյակը

ՍՏԵՓԱՆԱԿԵՐՏ, 30 հոկտեմբերի, ԱՐՑԱԽՊՐԵՍ: Տոնի առթիվ ակումբի մասնակիցները հանդես են եկել մշակութային ծրագրով, ցուցադրվել է գործունեության մասին պատմող տեսանյութ, ինչպես նաև նշվել են ակումբ այցելելու հիմնական առավելությունները:

«Արցախպրես»-ի թղթակցի հետ զրույցում SPFA կազմակերպության նախագահ Ջանիկ Մանիսյանն ասել է, որ ակումբի բացման հիմնական նպատակն էր արցախցի երեխաների համար ֆրանսերենը սովորելու հնարավորություն ստեղծելը:

«Ֆրանսիան հարուստ մշակույթ ունեցող երկիր է, որը միշտ իր բարերար ազդեցությունն է ունեցել հայկական մշակույթի զարգացման վրա: Կարծում եմ՝ այն լավ հնարավորություն է, որպեսզի լեզվի միջոցով երեխաները կարողանան յուրացնել այն ամենը, ինչը օգտակար կլինի թե´ իրենց և թե´ Արցախի համար»,- նշել է Ջ. Մանիսյանը:

Իսկ SPFA կազմակերպության արցախյան գրասենյակի ներկայացուցիչ Լիլիթ Մինասյանն ասել է, որ արդեն 20 տարի՝ Ստեփանակերտի ֆրանսախոսների ակումբը ֆրանսերեն լեզվի անվճար ուսուցում է կազմակերպում երիտասարդների համար: «Այս տարիների ընթացքում ակումբը երբեք հետաքրքրվողների պակաս չի ունեցել: Բացի լեզվի ուսուցումից մենք նաև հետաքրքիր ծրագրեր ու առաջարկներ ենք անում մեր մասնակիցներին, ինչը ավելի է խթանում լեզվի յուրացմանը»,- ասել է Լ. Մինասյանը և հավելել, որ ակումբն իր գործունեությունը ծավալում է մայրաքաղաքի Շառլ Ազնավուրի անվան մշակույթի կենտրոնում:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ադրբեջանի ԶՈՒ-ն Արցախում խախտել է հրադադարը. ՊԲ երկու զինծառայող է վիրավորվել

Քերթում տեղի է ունեցել դպրոցի վերակառուցված շենքի բացման արարողություն

Պետեկամուտների կոմիտեն կնախաձեռնի հսկողական միջոցառումներ՝ գործատուների կողմից աշխատողների թվի և աշխատավարձերի չափի թերհայտարարագրումը բացահայտելու համար

Կայացել է արցախցի երիտասարդ երգիչ Վլադիմիր Արզումանյանի նոր երգի պրեմիերան

Հակառակորդի կողմից վիրավորված զինծառայողների վիճակը բավարար է

Արցախում վիրավորում ստացած զինծառայողների կյանքին վտանգ չի սպառնում

Խաղողի և նռան այգիների այս տարվա բերքատվության ցուցանիշները գոհացուցիչ են. ոլորտի պատասխանատու

Ռուս խաղաղապահներն Արցախում հրադադարի պահպանման ռեժիմի երեք խախտում են արձանագրել

Վերին Լարսի անցակետում նոյեմբերի 29-ից կավելացվեն ռենտգեն սարքավորումների թիվը. ՏԿԵՆ

Search