Լեւոն Արոնյանն առաջին հաղթանակը տարավ իսպանական Մալյորկայում մեկնարկած ՖԻԴԵ-ի «Գրան պրի» վերջին՝ չորրորդ փուլում:
Լեւոն Արոնյանը հաղթանակ տարավ իսպանական Մալյորկայում մեկնարկած ՖԻԴԵ-ի «Գրան պրի»-ում
ՍՏԵՓԱՆԱԿԵՐՏ, 17 նոյեմբերի, ԱՐՑԱԽՊՐԵՍ: Երկրորդ տուրում հայկական շախմատի առաջատարը սպիտակ ֆիգուրներով պարտության մատնեց ռուսաստանցի Էրնեստո Ինարկիեւին, որն առաջին տուրում հաղթել էր չինացի Լի Չաոյին:
Շվեյցարական մրցակարգով (9 տուր) անցկացվող մրցաշարի առաջին տուրում Արոնյանը սեւերով ոչ ոքի էր խաղացել ռուսաստանցի Դմիտրի Յակովենկոյի հետ։
Երկրորդ տուրի բոլոր պարտիաները դեռ չեն ավարտվել: Երրորդ տուրի զույգերը կորոշվեն վիճակահանությամբ:
Հիշեցնենք, որ մրցաշարին մասնակցում են նաեւ Մաքսիմ Վաշիե-Լագրավը (Ֆրանսիա), Հիկարու Նակամուրան (ԱՄՆ), Դին Լիրենը (Չինաստան), Պյոտր Սվիդլերը (Ռուսաստան), Անիշ Գիրին (Հոլանդիա), Լի Չաոն (Չինաստան), Թեյմուր Ռաջաբովը (Ադրբեջան), Պենտալա Հարիկրիշնան (Հնդկաստան), Բորիս Գելֆանդը (Իսրայել), Պավել Էլյանովը (Ուկրաինա), Ֆրանցիսկո Վալեխո Պոնսը (Իսպանիա), Եվգենի Տոմաշեւսկին (Ռուսաստան), Ռիչարդ Ռապորտը (Հունգարիա), Էրնեստո Ինարկիեւը (Ռուսաստան), Դմիտրի Յակովենկոն (Ռուսաստան) Ալեքսանդր Ռեւզանցեւը (Ռուսաստան) եւ Յոն Լյուդվիգ Համերը (Նորվեգիա):