Հայաստանի դիրքորոշումը հայ-թուրքական հարաբերությունների վերաբերյալ բազմիցս արտահայտվել է, վերջին անգամ՝ 2 օր առաջ ՀՀ ԱԳ նախարարի Աթենքում ունեցած ելույթում։
Հայ-թուրքական հարաբերությունների վերաբերյալ վերջին անգամ արտահայտվել ենք 2 օր առաջ. Տ. Բալայանը՝ Թուրքիայի ԱԳՆ-ի հայտարարության մասին
ՍՏԵՓԱՆԱԿԵՐՏ, 15 դեկտեմբերի, ԱՐՑԱԽՊՐԵՍ: Այն որևիցե փոփոխություն չի կրել:
Tert.am –ին այս մասին հայտնեց ՀՀ ԱԳՆ խոսնակ Տիգրան Բալայանը՝ ի պատասխան հարցի, թե ինչպես կմեկնաբանի Թուրքիայի ԱԳՆ հայտարարությունը, որ չնայած Հայաստանի բացասական դիրքորոշմանը` Թուրքիան հավատարիմ է հայ–թուրքական արձանագրությունների հիմնական դրույթներին:
Հիշեցնենք, որ ելույթ ունենալով Հունաստանի ԱԳՆ ղեկավար կազմի առջև, Էդվարդ Նալբանդյանը հայտարարել էր, որ 2009թ.-ի հոկտեմբերին Ցյուրիխի արձանագրությունների ստորագրմանը հաջորդած գործընթացներում Թուրքիան առաջ քաշեց անհիմն նախապայմաններ, որոնք հակասում էին արձանագրությունների տառին և ոգուն: Նալբանդյանը նկատել էր, որ փաստաթղթերը չեն կարող ընդմիշտ պատանդ մնալ, և դա է պատճառը, որ Հայաստանի Նախագահը սեպտեմբերին ՄԱԿ-ի Գլխավոր Ասամբլեայի ամբիոնից հայտարարեց, որ Հայաստանը արձանագրություններն առ ոչինչ կհայտարարի, քանի որ չկա որևէ դրական առաջընթաց դրանց իրականացման համար, և մենք 2018թ. գարունը կդիմավորենք առանց այդ արձանագրությունների: