Երուսաղեմի ճանաչումը Միացյալ Նահանգների կողմից որպես Իսրայելի մայրաքաղաք, կարող է խախտել այդ քաղաքում ուժերի հավասարակշռությունը, որը ծանր ռազմական շրջանից հետո հաստավել էր:
Երուսաղեմը պետք է աշխարհի երեք կրոնների կենտրոնը մնա. ՌՈՒԵ
ՍՏԵՓԱՆԱԿԵՐՏ, 16 դեկտեմբերի, ԱՐՑԱԽՊՐԵՍ: Այս մասին հայտարարել է Մոսկվայի Պատրիարքարանի Արտաքին եկեղեցական հարաբերությունների բաժնի ղեկավար, միտրոպոլիտ Իլարիոն Վոլոկոլամսկին, հաղորդում է «ՌԻԱ Նովոստին»:
«Մի կողմից, եթե մենք կարդանք Աստվածաշունչը, թագավոր Դավիթի պատմությունը, ապա նա Երուսաղեմը ճանաչել է որպես իր պետության մայրաքաղաք: Այսինքն՝ սա շատ հին պատմություն է, հրեա ժողովրդի համար, սա սուրբ պատմություն է: Մյուս կողմից, մենք գիտենք, որ պատմության ընթացքում այդ հողում շատ ռազմական գործողություններ են կատարվել, այն շատ անգամ ձեռքից ձեռք է փոխանցվել եւ այժմ նրան տարբեր ուժեր են ձգտում», — «Ռոսիա 24»-ի «Եկեղեցին եւ աշխարհը» հաղորդման ժամանակ ասել է նա:
Եպիսկոպոսը շեշտել է, որ Երուսաղեմը առաջին հերթին կրոնական կենտրոն է, եւ սխալ քայլ կլինի այն քաղաքական կենտրոնի վերածելը:
«Պետք չէ մոռանալ, որ Երուսաղեմը սուրբ քաղաք է երեք համաշխարհային կրոնների համար՝ ոչ միայն հուդայականության, այլեւ քրիստոնեության եւ իսլամի համար: Այսօր Երուսաղեմում, քրիստոնյաները, մուսուլմանները եւ հրեաները քիչ թե շատ խաղաղ են ապրում, յուրաքանչյուր խումբ ունի իր թաղամասերը, անշարժ գույքը, սրբավայրերը: Եվ շատ կարեւոր է, որ Երուսաղեմը պահպանվի որպես հոգեւոր եւ կրոնական կենտրոն, որտեղ երեք կրոնների ներկայացուցիչները կարող են միասին ապրել խաղաղության եւ ներդաշնակության մեջ», - եզրափակել է Իլարիոնը: