Կինոյի միջազգային օրը կինեմատոգրաֆների, ինչպես նաեւ այդ զարմանալի արվեստի՝ կինոյի բոլոր սիրահարների տոնն է:
Դեկտեմբերի 28-ը Կինոյի միջազգային օրն է
ՍՏԵՓԱՆԱԿԵՐՏ, 28 դեկտեմբերի, ԱՐՑԱԽՊՐԵՍ: 1895 թվականի դեկտեմբերի 28-ին փարիզյան «Գրանդ կաֆե»-ում ցուցադրվել է Լյումիեր եղբայրների սինեմատոգրաֆիայի առաջին սեանսը: Նույն թվականին ֆրանսիացի Օգյուստ եւ Լուի Լյումիեր եղբայրներն իրենց հայտնագործած «Սինեմատոգրաֆ» սարքի պատենտն էին ստացել:
1985 թվականի մարտի 22-ին նրանք Փարիզում ընկերների նեղ շրջանակի համար ցուցադրում են կարճատեւ ժապավեն՝ «Բանվորների ելքը Լյումիեր գործարանից» անվանումով:
Սակայն, կինոյի ծննդյան օրը համարում են դեկտեմբերի 28-ը, երբ փարիզյան սրճարանում ֆրանսիացի եղբայրներն արդեն հանրության լայն շրջանակի համար ցուցադրում են «Գնացքի ժամանումը Լա Սյոտա կայարան» կարճամետրաժ ֆիլմը: Սա պատմության մեջ առաջին ֆիլմն է, որը հանդիսատեսին ցուցադրվել է փողով: