ՄԱԿ-ի Անվտանգության խորհուրդը ողջունել Է ԿԺԴՀ-ի եւ Կորեայի Հանրապետության միջեւ կայացած շփումները՝ հույս հայտնելով, որ նրանց երկխոսությունը կբերի Կորեական թերակղզու միջուկազերծման:
ՄԱԿ-ի ԱԽ-ն ողջունել Է ԿԺԴՀ-ի եւ Կորեայի Հանրապետության բանակցությունները
ՍՏԵՓԱՆԱԿԵՐՏ, 11 հունվարի, ԱՐՑԱԽՊՐԵՍ-ԱՐՄԵՆՊՐԵՍ: Միեւնույն ժամանակ ԱԽ-ի անդամները կոչ են արել ամբողջությամբ կատարել իր բանաձեւերը, որոնք Փենյանին արգելում են միջուկային զենք մշակել եւ պատժամիջոցներ են նախատեսում նման գործունեության համար: Այդ մասին, լրագրողներին հայտնել Է ՄԱԿ-ին առընթեր Ղազախստանի մշտական ներկայացուցիչ Կայրաթ Ումարովը՝ ամփոփելով Անվտանգության խորհրդի փակ նիստի արդյունքները: «Անվտանգության խորհրդի անդամները ողջունեցին ԿԺԴՀ-ի եւ Կորեայի Հանրապետության վերջին քայլերն ու շփումները,- ասել Է դիվանագետը:- Անվտանգության խորհրդի անդամները նշեցին, որ կորեական երկու պետությունների միջեւ նման նախնական երկխոսությունը կարող Է հնարավորություններ բացել Կորեական թերակղզում վստահության ամրապնդման համար, թուլացնել լարվածությունը եւ բերել միջուկազերծման»: Նրա խոսքով՝ ՄԱԿ-ի ԱԽ-ում ընդգծել են, որ «ԿԺԴՀ-ն եւ անդամ բոլոր մյուս պետությունները պարտավոր են ամբողջությամբ ու խստիվ կատարել Անվտանգության խորհրդի բոլոր բանաձեւերը»: Կորեայի Հանրապետության եւ ԿԺԴՀ-ի միջեւ հարաբերությունների նորմալացման շուրջ երկխոսության առաջին փուլը հունվարի 9-ի առավոտյան տեղի Է ունեցել Փանմունջոն սահմանամերձ կետում: Կողմերը պայմանավորվել են վերսկսել բանակցությունները ռազմական հարցերի շուրջ: ԿԺԴՀ-ն եւ Հարավային Կորեան նաեւ որոշել են վերականգնել թեժ գիծը զինվորականների միջեւ: Նաեւ Կորեայի Հանրապետության իշխանություններն ակնկալում են, որ ԿԺԴՀ-ն բազմամարդ պատվիրակություն կուղարկի Փյոնչհանի Օլիմպիադային, որի կազմում կլինի 400-ից մինչեւ 500 մարդ: Նախօրյակին Կորեայի Հանրապետության նախագահ Մուն Չժե Ինը ԿԺԴՀ-ի ղեկավար Կիմ Չեն Ընի հետ հանդիպելու պատրաստակամություն Է հայտնել պայմանով, որ դա կնպաստի հյուսիսկորեական միջուկային խնդրի լուծմանը: «Ես պատրաստ եմ բարձր մակարդակի հանդիպում անցկացնել, եթե դա կօգնի լուծել Հյուսիսի միջուկային խնդիրը, ինչպես նաեւ վերականգնել միջկորեական հարաբերությունները»,- ասել Է նա: Նախագահը նաեւ նշել Է, որ Կորեայի Հանրապետությունը նման հանդիպման անցկացմանը դրականորեն Է վերաբերվում միայն այն դեպքում, եթե որոշակի երաշխիքներ տրվեն դրա արդյունավետության հարցում: Նրա խոսքով՝ դրանք չպետք Է լինեն «բանակցություններ հանուն բանակցությունների», հաղորդել Է ՏԱՍՍ-ը: