Հունվարի 17-ն ապրիլյան պատերազմի մասնակից, «Մարտական խաչ» առաջին աստիճանի շքանշանակիր, ավագ-լեյտենանտ Մերուժան Ստեփանյանի ծննդյան օրն է. այսօր նա կդառնար 25 տարեկան:

17 հունվարի, 2018, 11:35

Ապրիլյան պատերազմի մասնակից Մերուժան Ստեփանյանն այսօր կդառնար 25 տարեկան

ՍՏԵՓԱՆԱԿԵՐՏ, 17 հունվարի, ԱՐՑԱԽՊՐԵՍ։  Մերուժան Ստեփանյանը ծնվել է 1993 թվականի հունվարի 17-ին Գյումրի քաղաքում: Սովորել է Գյումրու Մուշ թաղամասի թիվ 42 դպրոցում, որն ավարտելուց հետո ընդունվել է Վազգեն Սարգսյանի անվան ռազմական ինստիտուտ: Ուսումն ավարտելուց հետո ընտանիքի հետ տեղափոխվել է Երևան  և սկսել աշխատել: Մերուժանը զբաղվում էր նկարչությամբ, երգում  էր, ինչպես  նաև նվագում   էր   շվի: Բանակում կարգապահ ծառայության համար ստացել է ավագ-լեյտենանտի  կոչում:

2016 թվականի ապրիլի  2-ի  լույս 3-ի գիշերը Թալիշի մարտական դիրքերից  մեկը պաշտպանելիս, հակառակորդի սանձազերծած լայնածավալ ռազմական գործողությունների ընթացքում, զոհվել  է ավագ-լեյտենանտ Մերուժան Ստեփանյանը, զինծառայողներ Ռաֆիկ Հակոբյանը, Աղասի Ասատրյանը և Վիկտոր Յուզիխովիչը:

Նշենք, որ  Մերուժան Ստեփանյանը, Ռաֆիկ Հակոբյանը, Աղասի Ասատրյանն ու Վիկտոր Յազուխովիչը հետմահու պարգևատրվել  են  «Մարտական խաչ» 1-ին աստիճանի շքանշանով։