«Վզգլյադ» պարբերականն անդրադարձել է Երևանում կլոր սեղանի ժամանակ մի խումբ գործիչների՝ Հայաստանի, Իրանի ու Թուրքիայի հետ սահմանը, ինչպես նաև «Զվարթնոց» օդանավակայանի անցակետը Ռուսաստանից ՀՀ սահմանապահների վերահսկողության տակ վերցնելու հայտարարությանն ու գրել, որ Հայաստանում կրկին հակառուսական տրամադրվածություններն են ի հայտ գալիս։
ՌԴ-ի համար ՀՀ-ն ռազմական և աշխարհաքաղաքական լուրջ նշանակություն ունի. «Վզգլյադ»
ՍՏԵՓԱՆԱԿԵՐՏ, 18 հունվարի, ԱՐՑԱԽՊՐԵՍ։ «Բացառված չէ, որ այս ամենը նախաձեռնել են ամերիկացիները՝ նրանց ձեռնտու է հայ-ռուսական հարաբերությունների վատթարացման ուղղությամբ իրականացվող յուրաքանչյուր քայլ։ Իսկ եթե աշխարհաքաղաքական թշնամու նպատակները հասկանալի են, իսկ ինչպիսի՞ն է հայ հասարակության դիրքորոշումն այս հարցում։ Դրա մեջ հակառուսական տրամադրությունների հիմք կա՞: Մեծ հաշվով՝ ոչ, հայտնում է panorama.am-ը։
Առանձին խմբեր և քաղաքական գործիչներ, միանշանակ, փորձում են այս խաղը խաղալ, սակայն ապարդյուն։
Բանն այն է, որ այդ հարավկովկասյան հանրապետության ցանկացած ողջամիտ բնակիչ հասկանում է, որ Ռուսաստանի հետ դաշնակցությունը նրա գոյության փաստի գլխավոր երաշխիքն է: Կարևոր չէ հարուստ, թե աղքատ, այլ պարզապես խաղաղ գոյության»,-նշված է հոդվածում։
Հոդվածում անդրադարձ է կատարվում Լեռնային Ղարաբաղի հակամարտության կարգավորմանն ու նշել, որ Ադրբեջանի տնտեսական և ժողովրդագրական գերակայությունն այնպիսին է, որ եթե երկու երկրները առանձին մնային, Հայաստանի՝ հարձակումները հետ մղելու հնարավորությունները տարեցտարի ավելի անիրական կլինեին։
«Բայց կա Ռուսաստանը, որը շահագրգռված է ոչ թե հայ-ադրբեջանական պատերազմով, այլ Կովկասի հարավում խաղաղության հարցում: Ե՛վ Ադրբեջանը, և՛ Հայաստանը դիտարկվում են որպես ռազմավարական գործընկերներ, իսկ ավելի պարզ լեզվով՝ Ռուսաստանի կենսական շահերի գոտում գտնվող երկրներ և նրանց միջև վեճերի կարգավորումը կարևոր է Ռուսաստանի համար: Սակայն այս հարցի բարդությունը հաշվի առնելով, Մոսկվան կարծում է, որ ավելի լավ է պահպանել ստատուս քվոն»։
Հոդվածում անդրադարձ է կատարվում Գյումրիում տեղակայված ռուսական ռազմաբազային ու գրում. «Ռուսաստանը հսկում է հայ-թուրքական և հայ-իրանական սահմանները որպես սեփական՝ Հայաստանն ասես դարձնելով Ռուսաստանի մաս»:
Հոդվածագիրը նաև կարծիք է հայտնում, որ դժվար է Հայաստանը Ռուսաստանի համար «անվանել տնտեսապես հետաքրքիր կամ առավել ևս շահավետ տարածք, սակայն Ռուսաստանի համար Հայաստանն ռազմական և աշխարհաքաղաքական լուրջ նշանակություն ունի։