Հռոմի Պապ Ֆրանցիսկը կոչ է արել շտապ վերսկսել Իսրայելի եւ Պաղեստինի միջեւ երկխոսությունը, որն ուղղված է երկու պետությունների խաղաղ համագոյակցությանն իրենց միջեւ համաձայնեցված սահմանների եւ Երուսաղեմի հատուկ կարգավիճակի լրիվ հարգման շրջանակներում:
Հռոմի պապը կոչ է արել վերականգնել իսրայելա-պաղեստինյան երկխոսությունը
ՍՏԵՓԱՆԱԿԵՐՏ, 18 հունվարի, ԱՐՑԱԽՊՐԵՍ: Այս մասին հաղորդում է «ՌԻԱ Նովոստի»-ն։
«Ես ձեզ հավաստիացնում եմ, որ չեմ դադարի աղոթել Աստծուն այս հարցի շուրջ խաղաղության, իսկական, իրական խաղաղության համար։ Մասնավորապես, աղոթում եմ նրա համար, որ նրանք, որոնք պատասխանատու են ժողովրդի համար, քաղաքացիական եւ կրոնական իշխանությունները քայլեր ձեռնարկեն բռնության նոր ալիքները կանխելու եւ սատարելու ցանկացած ջանք, որն ուղղված կլինի համաձայնության, արդարության եւ անվտանգության հաստատմանը հանուն օրհնյալ Հողի ժողովուրդների»,- news.am-ի փոխանցմամբ՝ ասված է Հռոմի Պապին ուղերձում՝ ուղղված Շեյխ Ահմադ Ալ Թայիբին՝ աշխարհի ամենահին եւ առավել հեղինակավոր մահմեդական հոգեւոր համալսարաններից Ալ Ազհարի բարձրագուն իմամներից մեկին։
Փաստաթղթի տեքստը հինգշաբթի հրապարակվել է Վատիկանի կողմից:
Պապական ուղերձում նշվում է, որ Երուսոաղեմի հատուկ կարգավիճակը պետք է երաշխավորվի միջազգային մակարդակով, որը թույլ կտա հասնել հաշտության Մերձավոր Արեւելքում։
