Նախնական տվյալների համաձայն, Պրահայի Eurostars David հյուրանոցի հրդեհից տուժածների շարքերում Հայաստանի քաղաքացիներ չկան:
Չեխիայում հրդեհից, նախնական տվյալներով, հայեր չեն տուժել
ՍՏԵՓԱՆԱԿԵՐՏ, 21 հունվարի, ԱՐՑԱԽՊՐԵՍ: Այդ մասին հայտնում է Չեխիայում ՀՀ դեսպանատունը։
Դեսպանատունը նաեւ խնդրել էր արձագանքել, եթե որեւէ մեկը տեղեկություն ունի այդ հյուրանոցում իրենց մտերիմների հնարավոր գտնվելու մասին։
Նշենք, որ Պրահայի կենտրոնում շաբաթ երեկոյան հրդեհ է բռնկվել Eurostars David չորս աստղանի հյուրանոցում, հաղորդվում է 2 զոհի եւ մոտ 40 վիրավորի մասին։
«Հայտարարվել է երրորդ աստիճանի բարդության հրդեհի մասին, չորրորդը հայտարարվում է միայն արտակարգ իրավիճակների դեպքում: Դեպքի վայրում աշխատում են բոլոր քաղաքներիի հրշեջ վարչությունների ներկայացուցիչները, ինչպես նաեւ կամավորները: Հյուրանոցից տարհանվում են հյուրերը: Կան տվյալներ երկու մահացածների եւ մոտ 40 վիրավորների մասին, նրանց թվում երկուսը մեր գործընկերներն են», - ասել է քաղաքային հրշեջ ծառայության ներկայացուցիչ Պետր Կոլոուխը:
Eurostars David-ը գտնվում է Նապլավնի փողոցում` Պրահայի պատմական կենտրոնում գտնվող Մասարակ հրապարակի մոտ: Հրդեհի ժամանակ հյուրանոցում եղել է մոտ 50 մարդ:
