Artsakhpress

Միջազգային

ԱՄՆ-ը եւ ՌԴ-ն Թուրքիային քիչ ժամանակ են տվել Աֆրինում․ Դավութօղլուի նախկին հայ խորհրդական

Թուրքիայի նախկին վարչապետ Ահմեդ Դավութօղլուի նախկին հայ խորհրդական Էթյեն Մահչուփյանն իր «Ինչպես Աֆրինի գործողությունը դարձավ պարտադիր» հրապարակման մեջ անդրադարձել է Աֆրինի հետ կապված զարգացումներին։

ԱՄՆ-ը եւ ՌԴ-ն Թուրքիային քիչ ժամանակ են տվել Աֆրինում․ Դավութօղլուի նախկին հայ խորհրդական

ԱՄՆ-ը եւ ՌԴ-ն Թուրքիային քիչ ժամանակ են տվել Աֆրինում․ Դավութօղլուի նախկին հայ խորհրդական

ՍՏԵՓԱՆԱԿԵՐՏ, 24 հունվարի, ԱՐՑԱԽՊՐԵՍ: Թուրքական Karar.com կայքում տեղադրված հրապարակման մեջ Մահչուփյանը նշել է, որ չլուծված եւ լուծումն էլ կարճ ժամանակում անհնարին թվացող քրդական հարցում մոխրագույն վարագույրով պատված Մերձավոր Արեւելքի քաղաքականության մեջ Սիրիայում իր բնական դաշնակից սուննի արաբ ընդդիմությունից ազդեցիկ ուժ չկարողանալով ստանալ՝ Թուրքիան ինքը ստիպված եղավ հարցը լուծել։

Ըստ Մահչուփյանի՝ սպասելի չէր, որ թե ԱՄՆը, թե ՌԴ-ն Թուրքիայի զգայունությունն այդ թեմայի նկատմամբ կհասկանան եւ կփոխեն իրենց ռազմավարությունը, փոխանցում է news.am-ը:

«Սիրիայում փաստացի համակարգը առանց Ասադի չէր կարող շարունակել գոյատեւել։ Իրանը, տեղական զինյալներին օգտագործելով, կարողացավ ապահովել Ասադի մնալը։ Եւ ՌԴ-ն էլ հավանություն տվեց Ասադի հետագա պաշտոնավարմանը։ Քանի որ ՌԴ-ի օդային ուժերը ցամաքում Իրանի ցամաքային ուժերի կարիքն ունեն։ Այսօր արդեն բոլորն էլ ընդունում են Ասադի հետագա պաշտոնավարման անխուսափելությունը եւ համաձայն են Սիրիայում որոշակի բարեփոխումների։

Սիրիայի բնակչության 70 տոկոսը կազմող սուննի արաբ ընդդիմությունը քննությանը չդիմացավ եւ պառակտվեց։  Ստեղծված տարբեր ընդդիմադիր միավորները իրենց շահերի հետեւից ընկան եւ պարտվեցին։ Թուրքիայի հետ համագործակցող խմբավորումներն էլ հաջողության չհասան։ Նրանց նպատակը Սիրիայի իշխանության տապալումն էր, իսկ Թուրքիայինը՝ Սիրիայի քրդերի դեմ պայքարը։

Այդ իսկ պատճառով, եթե իր սահմանին Թուրքիան չէր ցանկանում PKK-ի կցորդ ունենալ, ուրեմն անձամբ պետք է գործի անցներ։

Աֆրինի գործողության մասին նախ նախագահի մակարդակով հայտարարվեց եւ ժամանակ տրվեց, որ բոլորն էլ ընդունեն գործողության սպասելի լինելը։ Սիրիայի հետ կապված բոլոր երկրների հետ ուղղակի կամ անուղղակի դիվանագիտական հաղորդակցություն եղավ։ Ու նշվեց, որ գործողությունը չի սահմանափակվելու Աֆրինով, եւ Թուրքիան իր համար գործողության դաշտ բացեց։

Հիմա հարցը շատ արագ անելն է։ Քանի որ Սիրիայի թեմայով խոսքի տեր հանդիսացող Ասադը, Իրանը, ՌԴ-ն ու ԱՄՆ-ը Թուրքիային երկար ժամանակ չեն տալու։ Ինչքան էլ, որ բոլոր խաղացողները կողմ են ավելի թույլ քրդական միավորի, ԱՄՆ-ը եւ ՌԴ-ն կարեւորում են քրդերի ներկայությունը։ Բացի այդ, Իրանը եւս դեմ է քրդերի փոխարեն տարածքում սուննի արաբների բնակեցմանը։

Կարճ ասած՝ Թուրքիան քիչ ժամանակ ունի։ Նա պետք է կարճ ժամանակում ուժգին հարված հասցնի PYD-ին՝ թույլ չտալու նրա վերադարձը»,-գրել է Էթյեն Մահչուփյանը։


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ճանապարհատրանսպորտային պատահար Ասկերան-Ստեփանակերտ ավտոճանապարհին. կա 2 զոհ

Երբևէ հեղափոխությամբ կամ հակահեղափոխությամբ չեմ զբաղվել. Սամվել Կարապետյանը հանդես է եկել հայտարարությամբ

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Ոչ մի ընտրություն ավելի մեծ արժեք չէ, քան միասնական լինելը. «Ազատ Հայրենիք» կուսակցության նախագահ

Հունիսի 1-ից զինծառայողների աշխատավարձերը կավելանան

Ոստիկանությունը օրենքով արգելված վայրում հավաք անցկացնելու դեպքի վերաբերյալ հաղորդագրություն է տարածել

Search