Artsakhpress

Մշակույթ

Ձեռագործ աշխատանքի միջոցով փոխանցվող տրամադրության գաղտնիքը. զրույց երիտասարդ ստեղծագործողի հետ

Իմ ստեղծագործական գործունեության ամենամեծ նպատակն այն է, որ պատրաստված խաղալիքներն ու տիկնիկները դրական լիցքեր և զգացողություններ հաղորդեն մարդկանց:

Ձեռագործ աշխատանքի միջոցով փոխանցվող տրամադրության գաղտնիքը. զրույց երիտասարդ ստեղծագործողի հետ

Ձեռագործ աշխատանքի միջոցով փոխանցվող տրամադրության գաղտնիքը. զրույց երիտասարդ ստեղծագործողի հետ

ՍՏԵՓԱՆԱԿԵՐՏ, փետրվարի 2, ԱՐՑԱԽՊՐԵՍ: «Արցախպրես»-ի թղթակցի հետ այսպես սկսեց իր զրույցն ասեղնագործ, տիկնիկագործ Մերի Առաքելյանը:

«Ձեռագործությամբ զբաղվելը մեր տանն ընդունված ավանդույթ է: Ես էլ սկսեցի գործել դպրոցական տարիներին: Ավելի հասուն տարիքում ասեղնագործության միջոցով սկսեցի կերտել խաչքարային արվեստը: Իսկ 2012 թվականին Ստեփանակերտում կայացել է իմ անհատական ցուցահանդեսը»,- ասել է Մ. Առաքելյանը և ավելացրել, որ ներկայումս ունի մոտ 75 ասեղնագործ նկար:

Նրա խոսքով՝ արդեն մեկ տարուց ավելի է՝ գործում է նաև խաղալիքներ և կերպարային տիկնիկներ: «Այն ճապոնական արվեստի ամիգուրումի տեսակն է, երբ հելյունով կամ շյուղերով գործում են փոքրիկ տարբեր կենդանիներ ու մարդուկներ: Դրանց միջոցով ես փորձում եմ վերարտադրել ոչ միայն մարդկանց արտաքինը, այլ նաև նրանց տրամադրությունն ու բնավորությունը»,- նշել է Մ. Առաքելյանը և ավելացրել, որ մեկ կերպարային տիկնիկի ստեղծման համար անհրաժեշտ է 5-7 օր: Նա գերադասում է ավելի շատ կերտել բարի, վառ ու նուրբ կերպարներ:

Մ. Առաքելյանն ասեղնագործում է ֆրանսիական մուլինեներով, քանի որ, ըստ նրա, դրանք ամենաորակյալն են և նախատեսված նման աշխատանքների համար: Կախված գործի բարդությունից ու գույների քանակից՝ մեկ աշխատանքը ասեղնագործելու համար կարող է պահանջվել 3-4 ամիս և անգամ ավելին:

Նրա խոսքով՝ պետք է ստեղծագործել սիրով, քանի որ գործին փոխանցած տրամադրությունը գերիշխող է դառնում ցանկացած ձեռագործ աշխատանքում՝ լինի դա ասեղնագործ նկար, թե տիկնիկ:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

ՀՀ գլխավոր դատախազի հանձնարարությունը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Search