Եվրոպայի Լիբերալների և Ժողովրդավարների Ալյանս (ALDE) կուսակցությունը սատարում է Լեռնային Ղարաբաղի հակամարտության խաղաղ կարգավորմանն ուղղված ջանքերին:
ALDE-ն ԼՂ հակամարտության կարգավորման հարցում աջակցում է ԵԱՀԿ ՄԽ համանախագահների ջանքերին
ՍՏԵՓԱՆԱԿԵՐՏ, փետրվարի 16, ԱՐՑԱԽՊՐԵՍ-ԱՐՄԵՆՊՐԵՍ: Փետրվարի 16-ին Հայ ազգային կոնգրես կուսակցության գրասենյակում լրագրողների հետ հանդիպմանն այս մասին ասաց կուսակցության փոխնախագահ Հենրիկ Բախ Մորտենսենը: «Մենք գիտակցում ենք, որ սա շատ բարդ խնդիր է, և այստեղ լուծման հասնելու համար պետք է զգուշավոր լինել և գիտակցել, որ խնդիրը լուծելու համար ժամանակ է պետք: ԵԱՀԿ Մինսկի խումբը պետք է տանի այս խնդրի լուծման առաջավոր դերը»,- ասաց Մորտենսենը: Նրա խոսքով` որևէ հակամարտություն կարգավորելու համար անհրաժեշտ է ջանքեր թափել լուծումներ գտնելու և վստահության ամրապնդման համար, այլ ոչ թե հանդես գալ ապակառուցողական դիրքորոշմամբ: Հենրիկ Բախ Մորտենսենը ևս մեկ անգամ շեշտեց, որ իրենք լիովին աջակցում են ԼՂ հակամարտության կարգավորմամբ զբաղվող ԵԱՀԿ Մինսկի խմբի համանախագահության ձևաչափին: