Տնտեսություն

Պետական աջակցության տրամադրման ի՞նչ ծրագրեր կգործեն այս տարի. մանրամասնել է գյուղնախարարը

Անցած տարում հանրապետությունում շարունակվել են բուսաբուծության ճյուղի արդյունավետության բարձրացմանն ուղղված ծրագրերը, ինչպես նաև՝ պետական աջակցության շրջանակներում սերմերի, պարարտանյութերի, թունանյութերի՝ հողօգտագործողներին մատչելի պայմաններով տրամադրման աշխատանքները:

Պետական աջակցության տրամադրման ի՞նչ ծրագրեր կգործեն այս տարի. մանրամասնել է գյուղնախարարը

Պետական աջակցության տրամադրման ի՞նչ ծրագրեր կգործեն այս տարի. մանրամասնել է գյուղնախարարը

ՍՏԵՓԱՆԱԿԵՐՏ, մարտի 7, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր՝ մարտի 7-ին կայացած մամուլի ասուլիսի ժամանակ ասել է ԱՀ գյուղատնտեսության նախարար Ժիրայր Միրզոյանն՝ ավելացնելով, որ ԱՀ-ում գարնանացան մշակաբույսերի ցանքաշրջանառության խթանման ծրագրի շրջանակներում 2017-ին յուղատու մշակաբույսերի, եգիպտացորենի, հնդկացորենի, սիսեռի, ոլոռի, լոբու մշակման համար 1 հեկտարի համար անհատույց տրամադրվել են սահմանված համապատասխան քանակությամբ սերմ և հանքային պարարտանյութեր: Ընդհանուր առմամբ, տրամադրվել է շուրջ 300 տոննա տարբեր մշակաբույսերի սերմեր և ավելի քան 800 տոննա հանքային պարարտանյութեր (ֆոսֆորական և կալիումական):

«Բանջարեղեն մշակող հողօգտագործողներին 1 հա-ի դիմաց տրամադրվել է 200 000 դրամ գումար՝ ընդհանուր 315.6 հա-ի դիմաց: Ծխախոտի մշակությունից ստացված յուրաքանչյուր 1 կգ բերքի դիմաց հողօգտագործողներին է տրամադրվել 10 դրամ լրավճար: Մթերվել է 2205 տոննա ծխախոտի հումք»,- նշել է Ժ. Միրզոյանը:

2017 թվականին ԱՀ շրջաններում մոլախոտային բուսականության դեմ պայքարի ծրագրի շրջանակներում 1420 հա-ի վրա իրականացվել են պայքարի աշխատանքներ՝ «Բույսերի պաշտպանության ծառայություն» ՊՈԱԿ-ի կողմից:

«2018 թվականին ևս կշարունակվի պետական բյուջեով հաստատված, գյուղատնտեսության զարգացման ծրագրերի շրջանակներում իրականացվող՝ կառավարության կողմից պետական աջակցության տրամադրման գործընթացը: Ընթացիկ տարում բուսաբուծության ճյուղի զարգացմանն ուղղված ծրագրերը նախատեսվում է իրականացնել բուսաբուծության համալիր զարգացման ծրագրի տեսքով՝ ըստ որի նախատեսվում է իրականացնել բազմամյա տնկարկների և ծխախոտի մշակության համար ոռոգման կաթիլային համակարգի տեղադրում, գարնանացան մի շարք մշակաբույսերի սերմերի, հանքային պարարտանյութերի ձեռքբերում ու տրամադրում, բանջարեղենի մշակությամբ զբաղվող անձանց անհատույց ֆինանսական միջոցների կամ դրանց համարժեք ապրանքանյութերի տրամադրում, ծխախոտի մշակությունից ստացված բերքի իրացման դիմաց լրավճարի տրամադրում»,- ասել է Ժ. Միրզոյանը՝ հավելելով, որ կիրականացվեն նաև բույսերի պաշտպանությանն ուղղված միջոցառումներ, մասնավորապես՝ ձեռք կբերվի և հողօգտագործողներին կտրամադրվի թունանյութ՝ մկնանման կրծողների դեմ պայքար իրականացնելու նպատակով:

Նախարարն անդրադարձել է նաև ցանքատարածքներին հարակից հրդեհավտանգ տարածքներում և դեպի ցանքատարածքներ տանող ճանապարհների եզրերին պաշտպանիչ շերտեր ստեղծելու նպատակով կազմակերպվող միջոցառումներին՝ նշելով, որ դրանք կշարունակվեն՝ ձեռնարկելով մոլախոտային բուսականության դեմ պայքարի կազմակերպում:


     

Քաղաքական

Տնտեսություն

Ամենադիտված

ամիս

շաբաթ

օր

Բակո Սահակյանը շնորհակալական նամակ է հղել Նիկոլ Փաշինյանին

Նիկոլ Փաշինյանն Արցախ է ժամանում

Գայլի հարձակումից տուժած 11-ամյա տղան մահացել է

Բակո Սահակյանն ու Նիկոլ Փաշինյանն այցելել են արեւելյան սահմանագծի հատվածներից մեկը

«Զինվորի բաժին» պահածոներ են հայտնաբերվել նաև Մանվել Գրիգորյանի Արցախի առանձնատանը. նոր բացահայտումներ

‹‹Ազգային վերածնունդ››-ի չարտոնված հավաքում կրկին նույն թեզերն են հնչել

Օտարերկրյա զույգը Արցախի ԱԳՆ-ում մուտքի արտոնագիր է ստացել հարսանեկան շորերով

Կարկուտն ու ուժգին քամիները մեծ վնասներ են հասցրել Արցախի հարավային թևին. պետնախարար Մարտիրոսյանը խորհրդակցություն է հրավիրել

Բակո Սահակյանն ու Նիկոլ Փաշինյանն այցելել են Ճարտարի նորակառույց Սուրբ Վարդանանք եկեղեցի