Վրաստանի Բաթումի քաղաքում կայացել է Եվրոպայի շախմատի առաջնության 2-րդ տուրը, որում մեր շախմատիստներից 2-րդ հաղթանակներն են տոնել Գաբրիել Սարգսյանը, Հրանտ Մելքումյանը, Հայկ Մարտիրոսյանը, Ռոբերտ Հովհաննիսյանը և Վահե Դանիելյանը:
Հայ շախմատիստները հաղթանակներ են տարել Եվրոպայի առաջնության 2-րդ տուրում
ՍՏԵՓԱՆԱԿԵՐՏ, մարտի 19, ԱՐՑԱԽՊՐԵՍ: Այս մասին հայտնում է Հայաստանի շախմատային ֆեդերացիայի պաշտոնական կայքը:
Նշանակալի է, մասնավորապես, ՖԻԴԵ-ի վարպետ Վահե Դանիելյանի հաղթանակը, որը 2-րդ տուրում ուժեղ է գտնվել իրենից գործակցով մոտ 250 կետով գերազանցող Անդրեյ Եսիպենկոյից:
Վերը թվարկված մեր 5 շախմատիստներն ընթանում են մրցաշարի առաջատարների խմբում:
Հայաստանի մասնակիցների արդյունքներին մանրամասն կարող եք ծանոթանալ այստեղ:
Այսօր տեղի կունենա մրցաշարի 3-րդ տուրը: Պարտիաները կմեկնարկեն Երևանի ժամանակով 15:00-ին: