Բեռլինում շարունակվող շախմատի աշխարհի չեմպիոնի հավակնորդների մրցաշարի 11-րդ տուրում Հայաստանի հավաքականի առաջատար Լեւոն Արոնյանը սպիտակներով խաղաց ռուսաստանցի Սերգեյ Կարյակինի հետ եւ պարտվեց 74-րդ քայլում:
Լեւոն Արոնյանը դարձյալ պարտվեց եւ զրկվեց հավակնորդ դառնալու տեսական հնարավորությունից
ՍՏԵՓԱՆԱԿԵՐՏ, մարտի 24, ԱՐՑԱԽՊՐԵՍ: Առաջին շրջանում Արոնյանը պարտության էր մատնել Կարյակինին:
Հայ գրոսմայստերն ունի 3.5 միավոր եւ մրցաշարի ավարտից երեք տուր առաջ կորցրեց հավակնորդ դառնալու տեսական հնարավորությունը: Առաջատարը ամերիկացի Ֆաբիանո Կարուանան է, որը վաստակել է 7 միավոր:
Արոնյանը 11 տուրերում տարել է մեկ հաղթանակ, կրել 5 պարտություն, 5 պարտիա ավարտել ոչ ոքի եւ եզրափակում է մրցաշարային աղյուսակը։
Հավակնորդների մրցաշար, 11-րդ տուր
Լեւոն Արոնյան (Հայաստան) - Սերգեյ Կարյակին (Ռուսաստան)՝ 0:1
Ֆաբիանո Կարուանա (ԱՄՆ) - Վլադիմիր Կրամնիկ (Ռուսաստան)՝ 0.5:0.5
Ուեսլի Սո (ԱՄՆ) - Շաքրիյար Մամեդյարով (Ադրբեջան)՝ 0.5:0.5
Դին Լիրեն (Չինաստան) - Ալեքսանդր Գրիշչուկ (Ռուսաստան)՝ 0.5:0.5
Մրցաշարային դրությունը 11-րդ տուրից հետո. Կարուանա՝ 7 միավոր, Մամեդյարով՝ 6.5, Կարյակին, Գրիշչուկ՝ 6-ական, Դին Լիրեն՝ 5.5, Կրամնիկ՝ 5, Սո՝ 4.5, Արոնյան՝ 3.5:
12-րդ տուրի զույգերը
Գրիշչուկ - Արոնյան
Կարյակին - Կարուանա
Կրամնիկ - Սո
Մամեդյարով - Դին Լիրեն
