Չինաստանը որոշել է ապրիլի 2-ից ԱՄՆ-ից ներկրվող 128 անուն ապրանքների համար մաքսատուրքեր սահմանել՝ ի պատասխան ԱՄՆ կողմից պողպատի եւ ալյումինի համար սահմանված մաքսատուրքերի, նշված է Չինաստանի առեւտրի նախարարության հայտարարության մեջ։
Չինաստանը ապրիլի 2-ից սկսած ԱՄՆ-ի նկատմամբ պատասխան մաքսատուրքեր է սահմանում
ՍՏԵՓԱՆԱԿԵՐՏ, ապրիլի 1, ԱՐՑԱԽՊՐԵՍ: «Մեր շահերի պաշտպանության եւ ԱՄՆ կողմից պատճառված վնասի փոխհատուցման համար ապրիլի 2-ից սկսած դադարեցվում են մաքսատուրքերի նվազեցման պարտավորությունները ԱՄՆ-ից ներկրվող 7 կատեգորիաների 128 անուն ապրանքների համար։ Ներկայումս գործող սակագների հիմքի վրա ավելասցվում են մաքսատուրքերը։ 120 անուն ապրանքների համար, այդ թվում՝ մրգերի մաքսատուրքը ավելանում է 15 տոկոսով, իսկ 8 անուն ապրանքի համար, այդ թվում խոզի մսի մաքսատորքը ավելանում է 25 տոկոսով»,- news.am-ի փոխանցմամբ՝ նշված է հայտարարության մեջ։