Թուրքիան և Ադրբեջանը արժույթային տատանումների հասցրած վնասներից խուսափելու նպատակով պատրաստվում են երկկողմ առևտրային հաշվարկներն իրականացնել ազգային արժույթներով՝ թուրքական լիրայով և ադրբեջանական մանաթով:
Ադրբեջանը և Թուրքիան տնտեսական վնասների պատճառով ստիպված են երկկողմ առևտուրն իրականացնել ազգային արժույթներով
ՍՏԵՓԱՆԱԿԵՐՏ, ապրիլի 19, ԱՐՑԱԽՊՐԵՍ-ԱՐՄԵՆՊՐԵՍ: Այս մասին, հայտնում են ադրբեջանական ԶԼՄ-ները:
«Թուրքիան Ադրբեջանի հետ առևտրային հաշվարկներն ազգային արժույթներով իրականացնելու հարցում որևէ խոչընդոտ չի տեսնում»,-նշել է Թուրքիայի էկոնոմիկայի նախարար Նիհաթ Զեյբեկչին, ով հարցազրույց է տվել «Թրենդ» գործակալությանը:
«Ազգային արժույթներով առևտուրը հնարավորություն կտա խուսափելու մի շարք վնասներից, որոնք գալիս են արժութային տատանումներից»,-նշել է նախարարը:
Թուրքիայի ֆինանսների նախարարությունը Ադրբեջանի հետ երկկողմ առևտուրը ազգային արժույթներով իրականացնելու նպատակով բանակցություններ էր սկսել դեռևս 2016թ. դեկտեմբերից: