Մայիսի 18-ին՝ թանգարանների միջազգային օրվան և մայիսի 19-ին՝ «Թանգարանների գիշերվան» նվիրված՝ ԱՀ մշակույթի, երիտասարդության հարցերի և զբոսաշրջության նախարարության ենթակայությամբ գործող թանգարանների և պետական պատմամշակութային արգելոցների կողմից կիրականացվեն մի շարք միջոցառումներ:
Ինչ միջոցառումներ են նախատեսվում թանգարանների օրվան նիրված. ներկայացնում է պատասխանատուն
ՍՏԵՓԱՆԱԿԵՐՏ, ապրիլի 25, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ մշակույթի, երիտասարդության հարցերի և զբոսաշրջության նախարարության մշակութային ժառանգության և ժողովրդական արվեստների բաժնի վարիչ Երազիկ Դանիելյանը՝ հավելելով, որ մայիսի 18-ին՝ ժամը 10:00-ին, Արցախի պետական պատմաերկրագիտական թանգարանում տեղի կունենա նոր ձեռք բերված գորգերի ցուցահանդես, իսկ մայիսի 19-ին՝ ժամը 10:00-ին, «Հայաստանի Հանրապետությունը և Արցախը 1918-1920 թթ.» թեմայով դաս-դասախոսություն Արցախի պետական համալսարանում:
Ե. Դանիելյանն անդրադարձել է նաև ծրագրի շրջանակներում անցկացվող մյուս միջոցառումներին:
Այսպես՝ «Տիգրանակերտ» պետական պատմամշակութային արգելոցում մայիսի 18-ին՝ ժամը 9:00-ին, տեղի կունենա մշտական ցուցադրություն, իսկ մայիսի 19-ին՝ ժամը 19:00-ին և 20:00-ին, «Բաց դռների օր» և դասական երաժշտության երեկո:
«Տողի մելիքական ապարանք» պատմամշակութային արգելոցում մայիսի 18-ին՝ ժամը 9:00-ին, տեղի կունենա մշտական ցուցադրություն, մայիսի 19-ին՝ ժամը 19:00-ին, անցած տարվա պեղումների հաշվետվություն և հնատիպ նյութերի ցուցադրություն, իսկ 20:00-ին՝ թեյախմություն:
Մարտունու պատմաերկրագիտական թանգարանում մայիսի 18-ին՝ ժամը 11:00-ին, տեղի է ունենալու ձեռագործ աշխատանքների, իսկ մայիսի 19-ին՝ ժամը 15:00-ին, «Նորօրյա հերոսամարտեր» թեմայով ցուցահանդեսներ:
Բերդաշենի Մոնթե Մելքոնյանի անվան միջն. դպրոցում մայիսի 18-ին՝ ժամը 14:00-ին, տեղի կունենա «Արցախահայության մասնակցությունը մայիսյան հերոսամարտերին» թեմայով դաս-դասախոսություն, իսկ մայիսի 19-ին՝ ժամը 9:00-ին, Բերդաշենի պատմության թանգարանում՝ մշտական ցուցադրություն:
Շուշիի պատմության թանգարանում մայիսի 18-ին՝ ժամը 16:00-ին, տեղի կունենա «Մայիսյան հերոսամարտերը և Հայաստանի առաջին հանրապետությունը ազգային միասնության խորհրդանիշ» թեմայով բանախոսություն, իսկ մայիսի 19-ին՝ ժամը 12:00-ին, «Անվանի շուշեցիներ» թեմայով ցուցահանդես:
Շուշիի կերպարվեստի պետական թանգարանում մայիսի 18-ին՝ ժամը 11:00-ին, տեղի կունենա «Պատանի արվեստասեր» միջքաղաքային դպրոցական բրեյն-ռինգ, իսկ մայիսի 19-ին՝ 11:00-ին, «Հերոսների հետքերով» արիության դաս:
Շուշիի երկրաբանության թանգարանում մայիսի 18-ին՝ ժամը 10:00-ին, տեղի կունենա «Պատանի բնագետ» հանրապետական դպրոցական բրեյն-ռինգ, իսկ մայիսի 19-ին՝ ժամը 12:00-ին, «Արցախի օգտակար հանածոները» թեմայով ցուցադրություն:
Շուշիի պատկերասրահում մայիսի 18-ին՝ ժամը 15:00-ին, տեղի կունենա «Խաղաղ ենք, պատրաստ ենք, հերոս ենք...» խորագրով ցուցահանդես, իսկ մայիսի 19-ին ժամը 15:00-ին՝ Կոլաժի վարպետության դաս Շուշիի «Շող» համայնքահեն կենտրոնի սաների մասնակցությամբ:
Հադրութի Արթուր Մկրտչյանի անվան հայրենագիտական թանգարանում մայիսի 18-ին՝ ժամը 11:00-ին տեղի կունենա «Արցախյան շարժման 30-ամյակ» թեմայով լուսանկարչական ցուցահանդես, իսկ մայիսի 19-ին՝ ժամը 15:00-ին, Հադրութի Միքայել Մանվելյանի անվան միջնակարգ դպրոցում «Մայիսյան հերոսամարտերը» թեմայով դաս-դասախոսություն:
Ասկերանի պատմաերկրագիտական թանգարանում մայիսի 18-ին՝ ժամը 10:00-ին, տեղի կունենա «Մայիսյան հերոսամարտերի պատմական նշանակությունը» թեմայով դաս-դասախոսություն, իսկ մայիսի 19-ին՝ ժամը 9:00-ին, մշտական ցուցադրություն:
Մարտակերտի պատմաերկրագիտական թանգարանում մայիսի 18-ին՝ ժամը 11:00-ին, տեղի կունենա «Մայիսյան հերոսամարտեր» ֆիլմի ցուցադրություն, իսկ մայիսի 19-ին՝ ժամը 9:00-ին, մշտական ցուցադրություն:
Ստեփանակերտի պատկերասրահում մայիսի 18-ին՝ ժամը 11:00-ին, տեղի կունենա արցախցի նկարիչների ստեղծագործությունների ցուցահանդես: Մայիսի 19-ին՝ ժամը 9:00-ին, Քաշաթաղի շրջանի երկրագիտական թանգարանում՝ մշտական ցուցադրություն: