Արցախի Հանրապետության պետական նախարար Արայիկ Հարությունյանը մայիսի 2-ին ընդունել է Հարավային Օսիայի Հանրապետության արտաքին գործերի նախարար Դմիտրի Մեդոևին:
Արայիկ Հարությունյանն ընդունել է Հարավային Օսիայի Հանրապետության արտաքին գործերի նախարարին
ՍՏԵՓԱՆԱԿԵՐՏ, մայիսի 2, ԱՐՑԱԽՊՐԵՍ: ԱՀ պետական նախարարի աշխատակազմի տեղեկատվության և հասարակայնության հետ կապերի բաժնի փոխանցմամբ՝ պետական նախարարը ողջունել է Դ. Մեդոեւին հերթական այցի կապակցությամբ, ընդգծելով, որ Հարավային Օսիայի Հանրապետության հետ հարաբերությունների շարունակական զարգացումը Արցախի Հանրապետության համար կարեւոր նշանակություն ունի: Երկկողմ շփումներին նոր որակ հաղորդելու նպատակով Ա. Հարությունյանն առաջարկել է լուրջ ուշադրություն դարձնել նաեւ գործարար կապերի ստեղծման եւ տնտեսական համագործակցության հարցերին:
Դմիտրի Մեդոեւը շնորհակալություն է հայտնել Ա. Հարությունյանին ջերմ ընդունելության համար եւ նշել, որ Հարավային Օսիայում եւս բարձր են գնահատում Արցախի Հանրապետության հետ փոխգործակցության զարգացումը: Նա ողջունել է պետնախարարի առաջարկը երկու երկրների միջեւ տնտեսական հարաբերությունների ստեղծման առումով եւ ներկայացրել է Հարավային Օսիայի ունեցած հնարավորությունները, ¬ որոնք կարող են հիմք հանդիսանալ գործարար հետաքրքրությունների համար:
Հանդիպման ընթացքում զրուցակիցները մտքեր են փոխանակել նաեւ տարածաշրջանային եւ կայուն հաղորդակցության ստեղծման մի շարք հարցերի շուրջ: