Արցախի «Արմֆայթինգ» ֆեդերացիայի նախաձեռնությամբ Ստեփանակերտի 6-րդ դպրոցի մարզադահլիճում կայացել է «ArmFighting-Selection» պրոֆեսիոնալ և սիրողական մրցաշար՝ նվիրված մայիսյան եռատոնին:
Ստեփանակերտում կայացել է «ArmFighting-Selection» մրցաշար
ՍՏԵՓԱՆԱԿԵՐՏ, մայիսի 7, ԱՐՑԱԽՊՐԵՍ:«Արցախպրես»-ի թղթակցի հետ զրույցում Արցախի «Արմֆայթինգ» ֆեդերացիայի գլխավոր մարզիչ Արմեն Հայրապետյանն ասել է, որ մրցաշարին Արցախից և Հայաստանից մասնակցել է 30 մարզիկ:
Մեր զրուցակցի խոսքով՝ մրցաշարին մասնակցած 6 արցախցի մարզիկներից՝ 4-ը գրավել են առաջին մրցանակային տեղեր՝ արժանանալով ոսկե մեդալի, իսկ 2 մարզիկ էլ՝ երկրորդ տեղեր:
Ա. Հայրապետյանը նշել է, որ մրցաշարի նպատակն է՝ ի հայտ բերել լավագույն մարզիկների, ովքեր էլ հետո կմասնակցեն միջազգային մրցումների՝ բարձր պահելու համար Արցախի անունը: