Հայաստանի Հանրապետության առողջապահության նախարարության գլխավոր մանկական ուրոլոգ, «Արաբկիր» բժշկական համալիրի վիրաբուժության գծով տնօրենի տեղակալ Սերգեյ Բաբլոյանը, մանկական վիրաբույժ Արման Հարությունյանը և նեֆրոլոգիայի բաժանմունքի ղեկավար Սոֆի Սարինյանը եռօրյա աշխատանքային այցով գտնվում են Ստեփանակերտում:
«Արաբկիր» բժշկական համալիրի բժիշկները Ստեփանակերտում իրականացնում են անվճար հետազոտություններ
ՍՏԵՓԱՆԱԿԵՐՏ, մայիսի 17, ԱՐՑԱԽՊՐԵՍ: «Արցախպրես»-ի թղթակցի հետ զրույցում Սերգեյ Բաբլոյանն ասել է, որ այցի ընթացքում իրենք «Արևիկ» մանկական բուժմիավորումում իրականացնում են երեխաների անվճար հետազոտություններ, խորհրդատվություններ և անհրաժեշտության դեպքում էլ վիրահատություններ:
«Արաբկիր» բժշկական համալիրի մասնագետներն արցախցի իրենց գործընկերների հետ նախատեսում են իրականացնել 5 վիրահատություն: Այցը նաև փորձի փոխանակման, բժշկության վերջին նորություններին ծանոթացնելու նպատակ է հետապնդում:
Մեր զրուցակցի խոսքով՝ ըստ «Արևիկ» մանկական բուժմիավորման և ՀՀ «Արաբկիր» բժշկական համալիրի միջև ստորագրված համագործակցության համաձայնագրի՝ արցախցի այն երեխաները, ովքեր բժիշկների կողմից հսկողության, ճիշտ բուժում նշանակելու, հետազոտման և այլ բժշկական օնության կարիք կունենան, այդպիսիների բուժումը կիրականացվի հեռաբժշկության կարգով: