Artsakhpress

Հասարակական

Թալիշում գյուղի վերածննդի ծրագրի շրջանակներում բացվել է համայնքային կենտրոն

Այսօր՝ մայիսի 20-ին, Մարտակերտի շրջանի Թալիշ համայնքում տեղի է ունեցել ‹‹Թալիշի վերածնունդ›› նախագծի մեկնարկի հանդիսավոր արարողությունը, որն ազդարարվել է համայնքային կենտրոնի բացմամբ:

Թալիշում գյուղի վերածննդի ծրագրի շրջանակներում բացվել է համայնքային կենտրոն

Թալիշում գյուղի վերածննդի ծրագրի շրջանակներում բացվել է համայնքային կենտրոն

ՍՏԵՓԱՆԱԿԵՐՏ, մայիսի 20, ԱՐՑԱԽՊՐԵՍ: Այն կառուցվել է ‹‹Հայաստան›› համահայկական հիմնադրամի միջոցով, ամերիկաբնակ բարերար Անդրանիկ Բաղդասարյանի ֆինանսավորմամբ: Բազմաֆունկցիոնալ համայնքային կենտրոնը, որը կառուցվել էր քառօրյա պատերազմից հետո, երբ հակառակորդի հրետակոծության հետևանքով ավերվել էր ամբողջ գյուղը և բռնագաղթվել բնակչությունը, իր մեջ ամբողջացնում է ոչ միայն վարչական մասը, այլև բուժկետը՝ օժանդակ սենյակներով: Կենտրոնում նախատեսված են նաև սենյակներ՝ երիտասարդության ակտիվ ժամանցի համար:


‹‹Արցախպրես››-ի թղթակցի հաղորդմամբ՝ հանդիսավոր բացմանը ներկա էին Հանրապետության Նախագահ Բակո Սահակյանը, բարերար Անդրանիկ Բաղդասարյանը, ‹‹Հայաստան›› համահայկական հիմնադրամի պատվիրակությունը՝ գործադիր տնօրեն Արա Վարդանյանի գլխավորությամբ, պաշտոնատար այլ անձինք, թալիշցիներ, հյուրեր:

Նրանք նախ ծաղիկներ են խոնարհել արցախյան ազատամարտում զոհված հայորդիների հիշատակը հավերժացնող հուշակոթողին, որից հետո տեղի է ունեցել համայնքային կենտրոնի բացման հանդիսավոր արարողությունը:

Իր խոսքում, կարևորելով նախաձեռնությունը, Նախագահ Բակո Սահակյանն ասել է, որ սա մեր հերթական հավաքական ուժի դրսևորումն է: Վերահաստատելով Թալիշի վերականգնման ծրագիրը՝ Նախագահն ընդգծել է, որ այն իր մեջ պարունակում է հնարավորություն՝ հաջորդ մեր հաղթանակներն արձանագրելու համար:

‹‹Հայաստան›› համահայկական հիմնադրամի գործադիր տնօրեն Արա Վարդանյանն իր երախտիքի խոսքն է հղել ‹‹Թալիշի վերածնունդ›› նախաձեռնության գլխավոր հովանավոր, ամերիկաբնակ բարերար Անդրանիկ Բաղդասարյանին՝ կարևորելով նրա պատրաստակամությունն այս գործում:


‹‹Հայաստան›› համահայկական հիմնադրամի պատվո անդամ, բարերար Անդրանիկ Բաղդասարյանը նշել է, որ ուրախ է՝ տեսնելով կատարված աշխատանքը և խոստանում է անել հնարավորինն Արցախի շենացման գործում:


Ամփոփելով Թալիշում առաջին փուլով կատարված շինարարակական աշխատանքները՝ ԱՀ քաղաքաշինության նախարար Կարեն Շահրամանյանն ասել է, որ, ընդհանուր առմամբ, կառուցվել և վերանորոգվել է շուրջ 19 բնակելի տուն և ընթացքի մեջ է ևս 17-ը: Կառուցվել և արդիականացվել են համայնքի ջրամատակարարման նոր ցանցն ու կոյուղագիծը, ժամանակակից ճարտարապետական մոտեցումներով և լուծումներով վերակառուցվել է հանդիսությունների սրահը: Ընթացքի մեջ են դպրոցի, մանկապարտեզի մասնաշենքերի կառուցապատման աշխատանքները:

Թալիշ համայնքի ղեկավար Վիլեն Պետրոսյանն էլ բնակիչների անունից շնորհակալություն է հայտնել հիմնադրամին՝ նշելով, որ համահայկական հեռուստամարաթոնի ընթացքում նվիրաբերած միջոցների հաշվին Թալիշը վերածվել էր հանրապետության թիվ մեկ շինհարթակի:


Նա ներկայացրել է նաև գյուղի ավագանու որոշումը, ըստ որի, բարերար Անդրանիկ Բաղդասարյանին և Սոսի Բաբելյանին հանձնվել են ‹‹Թալիշ համայնքի պատվավոր քաղաքացու›› կոչումներ:

Հանդիսավոր բացմանն օրհնության կարգ է կատարել Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը:

Ծրագրի հանդիսավոր մեկնարկին պարային կատարումներով հանդես են եկել Թալիշի միջնակարգ դպրոցի աշակերտները:


Այնուհետև Հանրապետության Նախագահը ‹‹Հայաստան›› համահայկական հիմնադրամի ատենապետերի և ներկայացուցիչների, ինչպես նաև թալիշցիների ուղեկցությամբ ծանոթացել է համայնքային կենտրոնի և նորաբաց հանդիսությունների սրահի շենքային պայմաններին:


     

Քաղաքական

Կոչ ենք անում միջազգային հանրությանը խստորեն դատապարտել Ադրբեջանի հայատյաց քաղաքականությունը և քայլեր ձեռնարկել՝ սանձազերծելու ագրեսորին. Արցախի ԱԳՆ

Արցախի Հանրապետության արտաքին գործերի նախարարությունը...

Ադրբեջանի կողմից Արցախ-Հայաստան միակ ճանապարհի դիտավորյալ փակումը Արցախի ժողովրդի նկատմամբ իրականացվող ահաբեկման և ցեղասպանական քաղաքականության հերթական դրսևորումն է. ՄԻՊ

Ադրբեջանական կողմը 2022 թվականի դեկտեմբերի 3-ին կեսօրից հետո...

Ադրբեջանի գործողություններն ուղղված են Արցախի խաղաղ բնակչության և խաղաղապահների դեմ. Արտակ Բեգլարյան

Արցախի պետական նախարարի խորհրդական Արտակ Բեգլարյանը Ադրբեջանի...

Սա հարված է նաև ռուս խաղաղապահներին. Դավիթ Բաբայանը՝ ադրբեջանցիների կողմից Ստեփանակերտ-Գորիս մայրուղին փակելու մասին

Ադրբեջանը, Ստեփանակերտ-Գորիս մայրուղին փակելով, փորձում...

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Ադրբեջանի ԶՈՒ-ն Արցախում խախտել է հրադադարը. ՊԲ երկու զինծառայող է վիրավորվել

Հակառակորդի կողմից վիրավորված զինծառայողների վիճակը բավարար է

Արցախում վիրավորում ստացած զինծառայողների կյանքին վտանգ չի սպառնում

Արտերկրում Արցախի մշտական ներկայացուցչությունների ծախսերը կնվազեն

Դոլարի, եվրոյի և ռուբլու փոխարժեքն` այսօր

Ադրբեջանի կողմից Արցախին կարգավիճակ տալու դրժումը մեզ իրավական և քաղաքական ուժեղ գործիքակազմ է տալիս․ Վարդան Օսկանյան

Մոսկվան կաշխատի իր ձեռքում պահել գործընթացի ղեկը

ԱԺ հանձնաժողովները փակ նիստում քննարկել են «ԱՀ 2023թ. պետական բյուջեի մասին» օրինագիծը

Ստեփանակերտում Սայաթ-Նովայի 310 -ամյակին նվիրված համերգ է կայացել

Search