Artsakhpress

Հասարակական

Ստեփանակերտի քաղաքապետարանը հավաքների կազմակերպման մասին որոշում է ընդունել

Այսօր Ստեփանակերտի ավագանու արտահերթ նիստում ընդունվել է որոշում՝ Ստեփանակերտ քաղաքում հավաքների ազատության իրականացման և պաշտպանության կանոնակարգման վերաբերյալ:

Ստեփանակերտի քաղաքապետարանը հավաքների կազմակերպման մասին որոշում է ընդունել

Ստեփանակերտի քաղաքապետարանը հավաքների կազմակերպման մասին որոշում է ընդունել

ՍՏԵՓԱՆԱԿԵՐՏհունիսի 13, ԱՐՑԱԽՊՐԵՍ:«Արցախպրես»-ի թղթակցի հետ զրույցում Ստեփանակերտի փոխքաղաքապետ Արմեն Հակոբյանն ասել է, որ որոշումն ընդունվել է, որպեսզի հստակեցվի մայրաքաղաքում հավաքների իրականացման  ու  նախապատրաստման ընթացակարգը:
«Ըստ այդ որոշման՝ Ստեփանակերտ քաղաքում հանրային հավաք անցկացնելու համար հավաքի կազմակերպիչը հավաքի անցկացման օրվանից ոչ ուշ, քան 7 օր, և ոչ շուտ, քան 30 օր առաջ անձամբ կամ փոստով գրավոր իրազեկում է Ստեփանակերտի  քաղաքապետին, բացառությամբ մինչև 20 մասնակից  ունեցող, շտապ և ինքնաբուխ հավաքների»,- ասել է Ա. Հակոբյանը։
Փոխքաղաքապետի խոսքով՝ համաձայն ընդունված որոշման, իրազեկման մեջ պետք է նշվի հավաքի սկզբի և ավարտի մոտավոր ժամանակը, հավաքի նպատակը, մասնակիցների սպասվող թիվը, հավաքի անցկացման ժամանակ օգտագործվելիք  առարկաները կամ տեխնիկական միջոցները, կարգադրիչների նախատեսվող թիվը, իսկ երթի դեպքում՝ երթի ուղին և ժամանակացույցը:
Ա.  Հակոբյանը  նաև նշել է, որ Ստեփանակերտ քաղաքում արգելվում է հավաքներ անցկացնել նախագահական նստավայրի,  Ազգային Ժողովի և Կառավարության շենքերի դատարանների,  ուսումնական հաստատությունների հարակից տարածքներում, ինչպես նաև արգելվում է հավաքների ընթացքում փակել Ստեփանակերտ քաղաքի առաջին և երկրորդ գոտիների փողոցներն ու քաղաք մուտք գործող հանրապետական նշանակության ճանապարհները, որոնք ունեն նաև ռազմավարական նշանակություն:
Նշենք, որ ԱՀ Ազգային Ժողովի ընդդիմադիր պատգամավոր, «Վերածնունդ» խմբակցության ղեկավար Հայկ Խանումյանը
նախօրեին սոցիալական ցանցերում տարածել է հայտարարություն, որ այսօր՝ հունիսի 13-ին, Ստեփանակերտի Վերածննդի հրապարակում կազմակերպելու է հանրահավաք: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր