Ստեփանակերտի մի շարք փողոցներում բարեկարգման աշխատանքներ են իրականացվում
Վերջերս առատ տեղումների հետևանքով Ստեփանակերտի մի շարք փողոցներում առաջացած խնդիրները լուծելու համար ԱՀ քաղաքաշինության նախարարության մասնագետներն ուսումնասիրություն են կատարել մայրաքաղաքի ոչ ասֆալտապատ փողոցներում, նրբանցքներում և փակուղիներում:
Ստեփանակերտի մի շարք փողոցներում բարեկարգման աշխատանքներ են իրականացվում
ՍՏԵՓԱՆԱԿԵՐՏ, հունիսի 13, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ քաղաքաշինության նախարարության քաղաքաշինական պետական տեսչության պետ Դավիթ Ավանեսյանը:
Խոսելով կատարվող աշխատանքների մասին՝ մեր զրուցակիցն ասել է, որ ներկայումս բարեկարգման աշխատանքներ են իրականացվում Ստեփանակերտի Հայկավան թաղամասում` ներառյալ ծայրամասային փողոցներն ու փակուղիները և Սասունցի Դավիթ փողոցի բնակելի շենքերի բակերն ու հարակից տարածքները:
Դ. Ավանեսյանը նշել է, որ մայրաքաղաքի ոչ ասֆալտապատ փողոցներում նախատեսվում են ավազակոպճային շերտի ծածկույթի իրականացման և հողային հարթեցման աշխատանքներ:
«Ծրագրով նախատեսված է վերանորոգել Մելիք Փաշաև, Սևունց, Տեր-Ղուկասով,Առուշանով, Հակոբ-Մելքումով, Մարետտա Շահինյան, Ուլուբաբյան, Պարսեղով, Աբովյան, Ալեք Մանուկյան (մասնակի), Թամանյան, Թորգոմի, Բաղրամյան, Բաբաջանյան, Շինարարների, Ստեփգես, Նաբերեժնայա, Մագդա Նեյման (Կեցխավելի), Սպանդարյան, Տեր Գաբրիելյան, Խաչատրյան, Բեկզադյան, Զորգե փողոցները` փակուղիներով ու նրբանցքներով, ինչպես նաև Սարիթաղ, Սարիլանջ և Կրկժան թաղամասերը»-մանրամասնել է Դ. Ավանեսյանը: