Artsakhpress

Սպորտ

Ռուսաստան - Սաուդյան Արաբիա խաղով հունիսի 14–ին կմեկնարկի աշխարհի 21-րդ առաջնությունը

Ռուսաստան - Սաուդյան Արաբիա խաղով հունիսի 14–ին կմեկնարկի աշխարհի 21-րդ առաջնությունը։

Ռուսաստան - Սաուդյան Արաբիա խաղով հունիսի 14–ին կմեկնարկի աշխարհի 21-րդ առաջնությունը

Ռուսաստան - Սաուդյան Արաբիա խաղով հունիսի 14–ին կմեկնարկի աշխարհի 21-րդ առաջնությունը

ՍՏԵՓԱՆԱԿԵՐՏ, հունիսի 14, ԱՐՑԱԽՊՐԵՍ: Հանդիպումից առաջ Մոսկվայի «Լուժնիկի» ստադիոնում տեղի կունենա ԱԱ-ի բացման հանդիսավոր արարողությունը։ Կազմակերպիչները խոստանում են, որ բացման միջոցառումը լինելու է բացառիկ։ Քառամյակի գլխավոր ֆուտբոլային ստուգատեսի մեկնարկից առաջ ելույթ կունենան բրիտանացի հայտի երգիչ Ռոբի Ուիլյամսը և օպերային հայտնի երգչուհի, ռուս Աիդա Գարիֆուլինան։ Կմասնակցի նաև աշխարհի կրկնակի չեմպիոն, բրազիլացի Ռոնալդոն։ 30 րոպեանոց շոուի կոնցեպտի հեղինակը Ֆելիքս Միխայլովն է, որի ղեկավարությամբ են անցել Կոնֆեդերացիաների գավաթի խաղարկության և ԱԱ-2018-ի խմբային փուլի վիճակահանության միջոցառումները։
Բացման խաղի պաշտոնական հյուրերի ցանկում 20 երկրի ղեկավար է։ Ներկա կլինի նաեւ Հայաստանի վարչապետ Նիկոլ Փաշինյանը։
Վերանորոգումից (1 տարի առաջ) հետո «Լուժնիկիում» սա առաջին պաշտոնական հանդիպումն է լինելու։ Մինչ այդ ռուսները 2 ընկերական հանդիպում են անցկացրել։ Ստանիսլավ Չերչեսովի գլխավորած թիմը 0։1 հաշվով պարտվել է  Արգենտինային, 0։3 հաշվով՝ Բրազիլիային։
Ռուսաստան – Սաուդյան Արաբիա խաղի գլխավոր մրցավարն է լինելու Նեստոր Պիտանոն։ Արգենտինացին պատմության առաջին մրցավարն է, որը Կոնֆեդերացիաների գավաթի խաղարկության ժամանակ տեսակրկնությունների համակարգի օգնությամբ չի արձանագրել խփած գոլը (Պորտուգալիա – Մեքսիկա խաղում չի հաշվել Պեպեի գոլը)։
Երեկ Ռուսաստանի հավաքականի մարզմանը մասնակցել են բոլոր ֆուտբոլիստները։ Վնասվածքներ չկան։ Հիմնական կազմի խաղացողները պատրաստ են, սակայն թվերը այլ բան են հուշում․ Չերչեսովի գլխավորությամբ ռուսները չեն կարողանում հաղթել 7 խաղում անընդմեջ։ Ռուսաստանի հավաքականից բոլորը սպասում են ակտիվ՝ առաջին համարով խաղ։
Սաուդյան Արաբիայի հանդիպումներից դատելով կարելի է ասել, որ այս հավաքականի հիմնական զենքը ստանդարտ դիրքերն են։ Վերջին 2 տարիների ընթացքում նրանք ստանդարտի խաղարկումից հետո խփել են 17 գոլ։
Սպասվում է, որ Խուան Անտոնիո Պիցիի ղեկավարած թիմը հանդիպման հիմնական ժամանակում պաշտպանվելու է՝ սպասելով իր հնարավորությանը։ Վիճակագրությունը այս դեպքում կարևոր է․ ռուսները ստանդարտներից հետո գնդակը հաճախ են հանում սեփական դարպասից։
Սաուդյան Արաբիան շատերի համար հանելուկ-հավաքական է։ Թիմի հայտացուցակից 20 ֆուտբոլիստ ներքին առաջնությունից է։ ԱԱ-2018-ի եզրափակիչ մրցաշարի ուղեգիր նրանք ձեռք բերեցին Բերտ Վան Մարվեյկի օգնությամբ, սակայն հոլանդացին Սաուդյան Արաբիայի ֆուտբոլի ֆեդերացիայի հետ ունեցած տարաձայնությունների պատճառով հեռացավ։ Հետո եկավ արգենտինացի Էդուարդո Բաուսան, նա աշխատեց մինչև նոյեմբեր։ ԱԱ-2018-ում իսպանացի Խուան Անտոնիո Պիցին կգլխավորի հավաքականը։
Ռուսաստանը և Սաուդյան Արաբիան մինչ այս հանդիպել են մեկ անգամ։ 1993-ին ընկերական խաղում ռուսները պարտվել են 2։4 հաշվով։
Ռուսաստան – Սաուդյան Արաբիա հանդիպումը կմեկնարկի Երևանի ժամանակով 19։00-ին։
A խմբի մյուս խաղը տեղի կունենա հունիսի 15-ին, կմրցեն Եգիպտոսը և Ուրուգվայը (16:00)։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր