Artsakhpress

Քաղաքական

Հայաստանը մեր մերձավոր դաշնակիցն է. Մեդվեդեւը՝ Փաշինյանին

Ռուս-հայկական հարաբերությունները զարգանում են համակարգված սցենարով՝ վստահորեն եւ դինամիկ: Այս մասին Հայաստանի վարչապետ Նիկոլ Փաշինյանի հետ հանդիպումից առաջ հայտարարեց Ռուսաստանի վարչապետ Դմիտրի Մեդվեդեւը:

Հայաստանը մեր մերձավոր դաշնակիցն է. Մեդվեդեւը՝ Փաշինյանին

Հայաստանը մեր մերձավոր դաշնակիցն է. Մեդվեդեւը՝ Փաշինյանին

ՍՏԵՓԱՆԱԿԵՐՏ, հունիսի 14, ԱՐՑԱԽՊՐԵՍ: Մեդվեդեւը շնորհավորեց Փաշինյանին հանրապետության կառավարության ղեկավարի պաշտոնում ընտրվելու կապակցությամբ եւ նշել, որ ուրախ է փոխադարձ ծանոթության համար: «Հայաստանը մեր մերձավոր դաշնակիցն է, եւ մենք միասին ձգտում ենք ինտեգրացիոն միավորման. միասին համագործակցում եք ՀԱՊԿ-ի հետ եւ զարգանում ենք համակարգված սցենարով, համակարգում ենք մեր զարգացումը սոցիալական, տնտեսական եւ այլ բնագավառներում», - նշեց Մեդվեդեւը՝ ընդգծելով, որ երկու երկրների կառավարությունները պետք է ձգտեն փոխադարձ հարաբերությունների հետագա զարգացմանը, հայտնում է News.am-ը:

Մեդվեդեւի խոսքով՝ երկու երկրների հարաբերությունները զարգանում են վստահորեն եւ դինամիկ: «Դա, իհարկե, պայմանավորված է ԵԱՏՀ-ում մեր համագործակցությամբ: Սա նաեւ պայմանավորված է այն հանգամանքով, որ ձեր տնտեսությունը վերջին ժամանակներում լավ ցուցանիշներ է ցույց տալիս, մեր տնտեսությունը եւս զարգանում է: Սա, իհարկե, փոխադարձ համագործակցության արդյունքն է»,- ասաց նա: ՌԴ վարչապետը հիշեցրեց, որ անցյալ տարվա հոկտեմբերին նա այցելել էր Հայաստան, եւ այդ ժամանակ մի շարք շավ պայմանագրեր էին ստորագրվել: Այս առումով նա կարծիք հայտնեց, որ թե՛ ռուսական, թե՛ հայկական կառավարությունը «պետք է գործադրեն բոլոր ջանքերը դրանք իրականացնելու համար»:

Փաշինյանն իր հերթին շնորհավորեց Ռուսաստանի կառավարության ղեկավարին Աշխարհի գավաթի մեկնարկի կապակցությամբ եւ հաջողություն մաղթեց ռուսական թիմին: «Կարելի է ասել, որ մեր հարաբերությունները դինամիկ են զարգանում: Մեր հարաբերությունները միշտ առանձնահատուկ են եղել, դրանք այդպիսին էլ կմնան: Ես դրանում չեմ կասկածում եւ վստահ եմ, որ մեր հարաբերությունները կզարգանան նաեւ տնտեսական առումով»,- ասաց Փաշինյանը: Նա նաեւ նշեց, որ Ռուսաստանն ու Հայաստանը շատ ընդհանուր ազգային շահեր ունեն, ինչը, իր կարծիքով, լավ հիմք է «արդյունավետ եւ դինամիկ աշխատանքի» տրամադրվելու համար:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ՊՆ բեռնատարի վթարի արդյունքում չորս զինվոր է մահացել

Աշոտ Հակոբջանյանը նշանակվել է Արցախի Հանրապետության ոստիկանության պետի տեղակալ

Զանգակատուն գյուղի մոտ ադրբեջանցիներն իրենց դիրքերն առաջ են բերել. համայնքապետ

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Արցախում առաջին անգամ պետբյուջեի եկամուտները կգերազանցեն ծախսերը. Ֆինանսների նախարար

Փորձարկվել է հայկական արտադրության առաջին ռազմական ռոբոտը

Ունեմ շուրջ 115 հազար վաճառքի ենթակա տնկիներ. երիտասարդ այգեգործը պատմել է իր հաջողված բիզնեսի մասին

Քիմ Քարդաշյանն ու Քանյե Ուեսթը գալիս են Հայաստան երեխա որդեգրելու

Կոմիտասի անվան երաժշտական դպրոցի դիմորդները տարեցտարի ավելանում են. մշակութային կրթօջախը 80 տարեկան է

Search