Artsakhpress

Հասարակական

Հանրային խորհուրդը չի սպասարկում որևէ քաղաքական ուժի շահերը. պատասխանատուներ

Ժամանակավոր հանրային խորհուրդ արդեն ներկայացվել է շուրջ 1645 դիմում-բողոք:

Հանրային խորհուրդը չի սպասարկում որևէ քաղաքական ուժի շահերը. պատասխանատուներ

Հանրային խորհուրդը չի սպասարկում որևէ քաղաքական ուժի շահերը. պատասխանատուներ
ՍՏԵՓԱՆԱԿԵՐՏ, հունիսի 14, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է խորհրդի անդամ Արմինե Պետրոսյանը՝ մանրամասնելով, որ մուտքագրված դիմումներից 27-ն ուղարկվել է առողջապահության, 10-ը՝ քաղաքաշինության, 150-ը՝ աշխատանքի, սոցիալական հարցերի և վերաբնակեցման (նույն չափով կուղարկվի նաև այսօր) նախարարություններ, 55-ը՝ ոստիկանություն, 14-ը՝ դատական համակարգ, 5-ը՝ դատախազություն, իսկ 62-ը այսօր ուղարկվելու է Ստեփանակերտի քաղաքապետարան:
Խորհրդի անդամներից Դավիթ Սիմոնյանը նշել է, որ դիմում-բողոքների ընդունումը շարունակվում է, և քաղաքացիները յուրաքանչյուր աշխատանքային օր՝ ժամը 10:00-17:00-ն ընկած ժամանակահատվածում, կարող են ներկայացնել դրանք:
Նրա խոսքով՝ ժամանակավոր հանրային խորհրդի նպատակը մարդկանց օգնելն է, սակայն քաղաքացիները պետք է հիշեն, որ հարցերին լուծում տալու համար պետք է լինել համբերատար:
Իր հերթին խորհրդի անդամ Սերգեյ Ղազարյանն ասել է, որ իրենք ստանում են դիմումներ, որտեղ քաղաքացիները նշում են, որ իրենց հուզող հարցերի վերաբերյալ ունեին նախնական պայմանավորվածություն նախկին պետական նախարար Արայիկ Հարությունյանի հետ:
«Հենց այդ նպատակով մենք կապ ենք հաստատել Ա. Հարությունյանի հետ, և որոշ հարցեր ու պայմանավորվածություններ, որոնք ուղղված էին նրան, կուսումնասիրվեն Ա. Հարությունյանի կողմից: Բացի դրանից, պետք է նշել, որ գերատեսչությունները ևս պատրաստակամություն են հայտնում արագ արձագանքել բարձրացված հարցերին: Հարկ է ընդգծել, որ ժամանակավոր հանրային խորհուրդն ապաքաղաքական կառույց է, ստեղծվել է հանրության պահանջով և չի սպասարկում որևէ քաղաքական ուժի շահերը»,- նշել է Ս. Ղազարյանը:
Ժամանակավոր հանրային խորհրդի անդամները մեզ հետ զրույցում նշել են, որ խորհրդի իրավական կարգավիճակ ստանալը բխում է հանրության շահերից:
Խորհրդի անդամ Վրեժ Ասմարյանն ընդգծել է, որ իրենց համար շատ կարևոր էր Հանրապետության Նախագահի, նախկին պետական նախարարի, Ազգային ժողովի պատգամավորների հետ ունեցած հանդիպումները, ցավոք, Ազգային ժողովի նախագահ Աշոտ Ղուլյանը մինչ այսօր իրենց հետ հանդիպելու առաջարկ այդպես էլ չի արել:
«Դա մեզ համար անսպասելի և ցավալի երևույթ է: Հանրության պահանջը օրենքի գերակայության ապահովումն է: Կարծում եմ՝ լինելով օրենսդիր մարմնի ղեկավար՝ նա պետք է առաջինն արձագանքեր այդ հարցին»,- ավելացրել է Վ. Ասմարյանը:
Ի դեպ, ժամանակավոր հանրային խորհրդի անդամներն արձանագրում են, որ քաղաքացիների կողմից հնչեցված դիմում-բողոքներից մի քանիսն արդեն ստացել են լուծումներ: Առաջիկա օրերին կբացվի նաև խորհրդի ֆեյսբուքյան պաշտոնական էջը, որտեղ կտեղադրվեն լուծում ստացած խնդիրները՝ նպատակ ունենալով այդ կերպ հանրությանն իրազեկել խորհրդի աշխատանքների մասին:
Այդ ցանկում տեղ կգտնի զոհված ազատամարտիկների մայր 58-ամյա Անյա Դադամյանի դիմումը, որտեղ նշվում է, որ վերջինս ունի առողջական և բնակարանային խնդիրներ:
Մեզ հետ զրույցում Ա. Դադամյանը նշել է, որ խորհրդի միջնորդությամբ հանդիպել է առողջապահության նախարար Կարինե Աթայանին, ով էլ տեղեկացրել է, որ ընթացիկ տարվա սեպտեմբերին Երևանից կժամանի համապատասխան բժիշկ և տեղում կկատարի հետազոտություն, անհրաժեշտության դեպքում նաև վիրահատություն, իսկ աշխատանքի, սոցիալական հարցերի և վերաբնակեցման նախարարության կողմից նրան տրվել է 100 հազար դրամ աջակցություն:
Ա. Դադամյանը հույս է հայտնել, որ իր կողմից ներկայացված խնդիրներին լուծում կտրվի:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ՊՆ բեռնատարի վթարի արդյունքում չորս զինվոր է մահացել

Աշոտ Հակոբջանյանը նշանակվել է Արցախի Հանրապետության ոստիկանության պետի տեղակալ

Զանգակատուն գյուղի մոտ ադրբեջանցիներն իրենց դիրքերն առաջ են բերել. համայնքապետ

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Արցախում առաջին անգամ պետբյուջեի եկամուտները կգերազանցեն ծախսերը. Ֆինանսների նախարար

Ունեմ շուրջ 115 հազար վաճառքի ենթակա տնկիներ. երիտասարդ այգեգործը պատմել է իր հաջողված բիզնեսի մասին

Փորձարկվել է հայկական արտադրության առաջին ռազմական ռոբոտը

Քիմ Քարդաշյանն ու Քանյե Ուեսթը գալիս են Հայաստան երեխա որդեգրելու

Կոմիտասի անվան երաժշտական դպրոցի դիմորդները տարեցտարի ավելանում են. մշակութային կրթօջախը 80 տարեկան է

Search