Artsakhpress

Տնտեսական

Հարկային համակարգի բարեփոխումների հայեցակարգի նախագիծը դրվել է հանրային քննարկման

ԱՀ ֆինանսների նախարարությունը հանրային քննարկան է դրել «Հարկային համակարգի բարեփոխումների» հայեցակարգի մշակված նախագիծը, որում ամփոփվել են 2010-2017թթ. ոլորտում իրականացված բարեփոխումները, առկա խնդիրները և դրանց հիման վրա նախանշվել առաջիկա տարիների անելիքները:

Հարկային համակարգի բարեփոխումների հայեցակարգի նախագիծը դրվել է հանրային քննարկման

Հարկային համակարգի բարեփոխումների հայեցակարգի նախագիծը դրվել է հանրային քննարկման
ՍՏԵՓԱՆԱԿԵՐՏ, հունիսի 15, ԱՐՑԱԽՊՐԵՍ: Ինչպես «Արցախպրես»-ին տեղեկացրին ԱՀ ֆինանսների նախարարությունից՝ այն մշակվել է առաջիկա տարիներին հարկային ոլորտում համակարգված և իրատեսական բարեփոխումներ իրականացնելու նպատակով:
Մասնավորապես՝ հայեցակարգով նախատեսվում է իրականացնել միջոցառումներ 4 հիմնական ուղղություններով` գործարար միջավայրի բարելավմանն ուղղված օրենսդրական բարեփոխումների իրականացում, հսկողական աշխատանքների և մեխանիզմների կատարելագործում, հարկ վճարող-հարկային մարմին փոխհարաբերման դաշտի բարելավում և հարկային մարմնի էլեկտրոնային կառավարման համակարգի կատարելագործում:
Աղբյուրի հաղորդմամբ՝ միջոցառումների իրականացման արդյունքում ակնկալվում է ամրապնդել հարկ վճարողների կողմից հարկերի ինքնուրույն հաշվարկման և վճարման մշակույթը, կրճատել տնտեսության ստվերային հատվածը՝ ապահովելով երկրի տնտեսական անվտանգությունը, տնտեսավարող սուբյեկտների համար ապահովել գործունեության հավասար մրցակցային պայմաններ, բարելավել երկրի գործարար ու ներդրումային միջավայրը, ապահովել հարկային եկամուտների կայունությունը` դրանց շարունակական աճ:
Նշված ռազմավարական նպատակներին հասնելու համար հարկային ծառայող-հարկ վճարող շփման ժամանակ հարկային մարմնի համար ուղենիշ կշարունակեն հանդիսանալ օրինականությունը, օբյեկտիվությունը և թափանցիկությունը:
Հանրային քննարկման նպատակն է լսել յուրաքանչյուր հարկատուի և քաղաքացու տեսակետը: Ֆինանսների նախարարությունը առաջարկում է բոլոր շահագրգիռ անձանց իրենց կարծիքն ու դիտողությունները ներկայացնել հայեցակարգի վերաբերյալ՝ վստահեցնելով, որ այդ առաջարկները կարող են մեծապես նպաստել նախարարության կողմից հարկային բարեփոխումների ռազմավարական ծրագրերի իրականացմանը:
Հավելենք, որ առաջարկություններն ու դիտողությունները կարող են ներկայացվել նախարարության էլեկտրոնային փոստին` info@taxservice.nk.am հասցեով, մինչև սույն թվականի հուլիսի 1-ը: Հայեցակարգի նախագծին կարող եք ծանոթանալ ֆինանսների նախարարության պաշտոնական կայքէջերում (www.minfin-nkr.am, www.tax nk. am):

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Աշոտ Հակոբջանյանը նշանակվել է Արցախի Հանրապետության ոստիկանության պետի տեղակալ

Ունեմ շուրջ 115 հազար վաճառքի ենթակա տնկիներ. երիտասարդ այգեգործը պատմել է իր հաջողված բիզնեսի մասին

Արցախում առաջին անգամ պետբյուջեի եկամուտները կգերազանցեն ծախսերը. Ֆինանսների նախարար

Զանգակատուն գյուղի մոտ ադրբեջանցիներն իրենց դիրքերն առաջ են բերել. համայնքապետ

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Նախագահ Բակո Սահակյանը Կառավարության որոշում է հաստատել

Սարսանգից մինչև Մարտակերտ նոր ջրանցք կկառուցվի, կներդրվի 100 մլն ԱՄՆ դոլար. Արայիկ Հարությունյանը՝ խոշորամասշտաբ ծրագրի մասին

Փորձարկվել է հայկական արտադրության առաջին ռազմական ռոբոտը

Քիմ Քարդաշյանն ու Քանյե Ուեսթը գալիս են Հայաստան երեխա որդեգրելու

Search