«Արցախպրես»-ը ներկայացնում է ԱՀ մշակույթի, երիտասարդության հարցերի և զբոսաշրջության նախարարության կողմից Արցախում կազմակերպվող մշակութային առաջիկա միջոցառումների անոնսը:
«Արցախպրես»-ը ներկայացնում է Արցախում մշակութային առաջիկա միջոցառումների անոնսը
ՍՏԵՓԱՆԱԿԵՐՏ, հունիսի 21, ԱՐՑԱԽՊՐԵՍ: ԱՀ մշակույթի և երիտասարդության հարցերի նախարարությունը տեղեկացնում է, որ հունիսի 23-ին՝ ժամը 20:30-ին, Ստեփանակերտի Ազատամարտիկների պուրակում տեղի է ունենալու կինոռեժիսոր Ջիվան Ավետիսյանի «Վերջին բնակիչը» ֆիլմի բացօթյա ցուցադրությունը:
Մարտակերտ քաղաքի ազատագրման 25-րդ տարեդարձի տոնակատարության միջոցառումներին՝ կարող եք ծանոթանալ այստեղ:
Հունիսի 29-ին՝ ժամը 19:00-ին, Ստեփանակերտի Սայաթ-Նովայի անվան երաժշտական քոլեջի դահլիճում տեղի կունենա դաշնակահար Արմեն Ահարոնյանի (ԱՄՆ) մենահամերգը: Ծրագրում ներառված են լինելու հեղինակային իմպրովիզացիաներ՝ դասական և ժամանակակից կոմպոզիտորների ստեղծագործությունների թեմաներով: Մուտքն ազատ է:
Հուլիսի 1-ին՝ ժամը 20:00-ին, Ստեփանակերտի Շառլ Ազնավուրի անվան մշակույթի կենտրոնում տեղի է ունենալու «Земля Якова» ֆիլմի շնորհանդեսը:
Հուլիսի 4-ին՝ ժամը 18:00-ին, Ստեփանակերտի մշակույթի և երիտասարդության պալատում տեղի է ունենալու Համազգային հայ կրթական և մշակութային միության Նյու Ջերսիի «Նաիրի» պարախմբի համերգը:
Համերգին կմիանան Արցախի Պարի պետական, «Տնջրե», «Մենք ենք մեր սարերը», «Արցախի բալիկներ» համույթները:
Հուլիսի 5-ին՝ ժամը 18:00-ին, Մարտունու մշակույթի պալատում տեղի է ունենալու Համազգային հայ կրթական և մշակութային միության Նյու Ջերսիի «Նաիրի» պարախմբի համերգը: Համերգին կմիանան Մարտունու և Ճարտարի արվեստի դպրոցների սաները, ինչպես նաև «Քնար» ժողգործիքների համույթը: Համերգները կկայանան ԱՀ Մշակույթի, երիտասարդության հարցերի եւ զբոսաշրջության նախարարության հովանու ներքո: Համերգների մուտքն ազատ է: Սիրով սպասում ենք, համեցեք՝ պարենք ու երգենք միասին:
Տեղեկացնենք, որ այսուհետ, յուրաքանչյուր շաբաթ օր Ստեփանակերտի Ազատամարտիկների պուրակում տեղի է ունենալու ֆիլմերի բացօթյա ցուցադրություններ:
Հավելենք, որ «Արցախպրես»-ը պարբերաբար ներկայացնում է Արցախում տեղի ունեցող կարևորագույն միջոցառումների անոնսը: Ֆիզիկական և իրավաբանական շահագրգիռ անձանց հրավիրում ենք համագործակցության:
