Հայաստանի ռուսական ռազմակայանի զինծառայողները «Կամխուդ» բարձրլեռնային զորափորձարանում մարտական մեքենաների հավաքակազմի բաց կայանատեղիում բռնկման օջախի հատուկ մարտավարական վարժանք են անցկացրել:
Հայաստանի ռուսական ռազմակայանի զինծառայողները հակահրդեհային անվտանգության հատուկ վարժանք են անցկացրել
ՍՏԵՓԱՆԱԿԵՐՏ, հունիսի 29, ԱՐՑԱԽՊՐԵՍ: Ինչպես տեղեկացրեցին ՌԴ Հարավային ռազմական օկրուգի մամուլի ծառայությունից, ստանալով «Հրդեհի տագնապ» ազդանշանը, միավորման հրշեջ խմբերի հաստիքային եւ արտահաստիքային հաշվարկները մշակել են հանդերձման, պայմանական բռնկման շրջան շարժվելու, հակահրդեհային սարքավորումների ծավալման եւ բռնկման օջախների մարման նորմատիվները:
Անօդաչու թռչող սարքերի հաշվարկները կատարել են բռնկման պայմանական գոտու մոնիթորինգ, ֆոտո եւ վիդեո նյութերը փոխանցել են զորամիավորման կառավարման կետ՝ գնահատելու արտակարգ դրությունը եւ որոշում ընդունելու հրդեհի դեմ պայքարի ուժեր ու միջոցներ հատկացնելու մասին:
Գյումրիի եւ Երեւանի զինվորական կայազորներում, «Կամխուդ» եւ «Ալագյազ» զորափորձարաններում, ինչպես նաեւ «Էրեբունի» ռազմական օդակայանում ռազմակայանի զինվորական ինժեներների կողմից մշտապես աշխատանքներ են կատարվում արգելափակիչ գոտիների ստեղծման ու պահպանման ուղղությամբ: Ռազմակայանում հրդեհավտանգ իրավիճակի ժամանակաշրջանում բարձր պատրաստության վիճակում հերթապահելու համար առանձնացված են 100-ից ավելի զինծառայողներ եւ շուրջ 20 միավոր հատուկ ռազմական տեխնիկա, այդ թվում՝ բանակային ու անօդաչու ավիացիա:
