Artsakhpress

Հասարակական

ԱՀ Նախագահը պարգևատրել է առարկայական օլիմպիադայի մրցանակակիր աշակերտներին

Այսօր՝ հուլիսի 6-ին, Արցախի Հանրապետության Նախագահի նստավայրում տեղի է ունեցել 2017-2018 ուսումնական տարվա առարկայական օլիմպիադայի Երևանում կայացած եզրափակիչ փուլում մրցանակային տեղեր գրաված արցախցի աշակերտների պարգևատրման հանդիսավոր արարողությունը:

ԱՀ Նախագահը պարգևատրել է առարկայական օլիմպիադայի մրցանակակիր աշակերտներին

ԱՀ Նախագահը պարգևատրել է առարկայական օլիմպիադայի մրցանակակիր աշակերտներին
ՍՏԵՓԱՆԱԿԵՐՏ, հուլիսի 6, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ մրցանակային տեղեր գրաված աշակերտները և իրենց ուսուցիչներն արժանացել են արժեքավոր նվերների ու դրամական պարգևների:
Իր խոսքում ԱՀ Նախագահ Բակո Սահակյանն ասել է, որ այս հաջողություններն աշակերտների կյանքում առաջին լուրջ ձեռքբերումներն են, և անհրաժեշտ է շարունակել մշտապես կատարելագործել, խորացնել ու ընդլայնել գիտելիքները, ձգտել հասնել նորանոր բարձունքների, երբևիցե չընկճվել բարդությունների և դժվարությունների առջև:
 
«Մենք հպարտության զգացում ենք ապրում՝ ամեն անգամ տեսնելով այսպիսի պարկեշտ և խելացի երիտասարդների, ովքեր վաղը կերտելու են մեր երկրի ապագան, լինելու են նրա պաշտպանները, զարգացնելու և զորացնելու են մեր անկախ պետականությունը: Մեր ժողովրդի մտավոր ներուժը ամենամեծ հարստությունն է, որը,  ժամանակին բացահայտելու, կատարելագործելու և ճիշտ օգտագործելու դեպքում, կբացի անսպառ հնարավորություններ մեր հայրենիքի հետագա զարգացման համար»,- ընդգծել է Հանրապետության Նախագահը:
 
Իսկ ԱՀ կրթության գիտության և սպորտի նախարար Նարինե Աղաբալյանը նշել է, որ այսօր ներկա են ուսուցիչներ և աշակերտներ, ովքեր արդեն երկրորդ, երրորդ և նույնիսկ չորրորդ անգամ են զբաղեցնում մրցանակային տեղեր:
 
«Նման գնահատանքի նրանք արժանանում են իրենց տքնաջան աշխատանքի և տաղանդի շնորհիվ: Դպրոցական օլիմպիադայի ամփոփումը հնարավորություն է տալիս գնահատելու ոչ միայն առանձին աշակերտների, այլև ուսուցիչների և դպրոցների կատարած աշխատանքը:
2017-18 ուսումնական տարվա դպրոցական առարկայական օլիմպիադայի եզրափակիչ փուլին մասնակցելու երաշխավորագիր են ստացել հանրապետության 77 դպրոցականներ, որոնցից 47-ը Երևանից վերադարձել են մրցանակային տեղերով և գովասանագրերով, 29 աշակերտ արժանացել են առաջին, երկրորդ և երրորդ կարգի մրցանակների, ընդ որում՝ նրանցից 13-ը գյուղական համայնքների դպրոցներից են, 5-ը շրջկենտրոններից, 2-ը Ճարտարից և 9-ը Ստեփանակերտի դպրոցներից:
Լավագույն արդյունքներն են արձանագրել Ասկերանի շրջանի Սզնեք, Ակնաղբյուր, Մարտակերտի շրջանի Հաթերք համայնքները, իսկ Ստեփանակերտում՝ համար 3 դպրոցը»,- մանրամասնել է Ն. Աղաբալյանը:
 
Մարտակերտի Վլադիմիր Բալայանի անվան համար մեկ միջնակարգ դպրոցի 12-րդ դասարանի աշակերտուհի, աշխարհագրությունից առարկայական օլիմպիադայի եզրափակիչ փուլի առաջին կարգի դիպլոմակիր Տաթևիկ Դավթյանն էլ ուրախությամբ նշել է, որ ամենամյա դարձած այս ընդունելությունը հաճելի և պարտավորեցնող  է:
 
«Գիտելիքը ամենահզոր զենքն է, որի շնորհիվ մենք՝ աշակերտներս, կարողանում ենք հասնել բարձունքների: Այսօր հայ քաջարի զինվորն ու սպան անձնուրաց նվիրումով պահպանում են  հայրենիքի սահմանները, իսկ մենք՝ աշակերտներս՝ ուսուցիչների հետ մեկտեղ, կարողանում ենք մեր գիտելիքներով բարձր պահել Արցախի կրթական համակարգի պատիվը:
Կրթությամբ ու բազկի զորությամբ արցախցին միշտ էլ կարողացել է իր գիտելիքներով աշխարհին ասել իր հզորությունը: Խոստանում եմ շարունակել մեր հերոս պապերի գործը՝ լինելով նրանց արժանի հետնորդը»,- մասնավորապես ասել է Տ. Դավթյանը:
 
Հանդիսավոր արարողությանը ներկա էին ԱՀ ԱԺ նախագահ Աշոտ Ղուլյանը, պետական նախարար Գրիգորի Մարտիրոսյանը, պաշտոնատար այլ անձինք:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ճանապարհատրանսպորտային պատահար Ասկերան-Ստեփանակերտ ավտոճանապարհին. կա 2 զոհ

Երբևէ հեղափոխությամբ կամ հակահեղափոխությամբ չեմ զբաղվել. Սամվել Կարապետյանը հանդես է եկել հայտարարությամբ

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Ոչ մի ընտրություն ավելի մեծ արժեք չէ, քան միասնական լինելը. «Ազատ Հայրենիք» կուսակցության նախագահ

Հունիսի 1-ից զինծառայողների աշխատավարձերը կավելանան

Ոստիկանությունը օրենքով արգելված վայրում հավաք անցկացնելու դեպքի վերաբերյալ հաղորդագրություն է տարածել

Search