Artsakhpress

Մշակույթ

Հայաստանն ու Լիբանանը զբոսաշրջության ոլորտում համագործակցության մեծ ներուժ ունեն. Ավետիս Կիտանյան

Հայաստանն ու Լիբանանը զբոսաշրջության ոլորտում համագործակցության մեծ ներուժ ունեն:

Հայաստանն ու Լիբանանը զբոսաշրջության ոլորտում համագործակցության մեծ ներուժ ունեն. Ավետիս Կիտանյան

Հայաստանն ու Լիբանանը զբոսաշրջության ոլորտում համագործակցության մեծ ներուժ ունեն. Ավետիս Կիտանյան
ՍՏԵՓԱՆԱԿԵՐՏ, հուլիսի 6, ԱՐՑԱԽՊՐԵՍ-ԱՐՄԵՆՊՐԵՍ: Բեյրութում լրագրողների հետ զրույցում Լիբանանի զբոսաշրջության նախարար Ավետիս Կիտանյանը նշեց, որ այդ ուղղությամբ երկու երկրները նաև զգալի անելիք ունեն:
 
«2017 թվականի հունիս-սեպտեմբեր ամիսներին երկու ուղղություններով շատ ակտիվ երթևեկություն կար:  Երկու ավիաընկերություններ աշխատում էին, արդյունքում գրեթե ամեն օր թռիչներ կային: Ստացվում էր, որ օրական 150-200 հոգի երթևեկում էր երկու ուղղությամբ: Արդյունքում՝ Լիբանանից Հայաստան գնացողների թիվը անցնում էր 40 հազարը, իսկ հակառակ ուղղությամբ՝ 11-12 հազարը»,-ասաց Ավետիս Կիտանյանը: Նա նշեց, որ այստեղ մեծ է զանգվածային լրատվամիջոցների դերը: Երկու կողմն էլ պետք է իր հասարակության լայն շրջանակին ցույց տա, թե ինչ զբոսաշրջային հնարավորություններ կան: Ավետիս Կիտանյանի խոսքով՝ Լիբանանում ծառայությունները բարձր մակարդակի վրա են, կլիման բավական բարենպաստ է:
«Քարոզչական արշավը եթե շարունակենք, ապա մեծ հնարավորություններ կան այս ոլորտում: Բնակիչներին տուրիստական հնարավորությունները ներկայացնելուց զատ, պետք է ստեղծել պայմաններ այս բիզնեսով զբաղվողների համար, որ հետաքրքրություն ունենան ծախելու եղած պրոդուկտը: Լիբանանում մեծ հայ համայնք կա, հայերը մշտապես ձգտում են Հայաստան գնալ, մեծ թվով արաբներ էլ հետաքրքրված են Հայաստանով: Եթե մատչելի փաթեթներ լինեն, ապա վստահ եմ, որ երկկողմ շարժը կակտիվանա»,- ասաց նա՝ ընդգծելով, որ Լիբանանում խոհանոցը, հյուրանոցային հնարավորությունները բացառիկ են:
Ավետիս Կիտանյանը կարևորեց «Արմենիա» ավիաընկերության գործունեությունը: Նրա խոսքով՝ ավիաընկերության շուկա մուտք գործելը ակտիվություն մտցրեց, քանի որ ճկուն գնային առաջարկներով էր հանդես գալիս:
Խոսելով Լիբանանի քաղաքացիների նկատմամբ վիզայի դյուրացման Հայաստանի քաղաքականության մասին՝ Ավետիս Կիտանյանը նշեց, որ դա կարևոր քայլ է:
«Շատ խելացի քայլ է առանց վիզայի ռեժիմ սահմանելը: Փորձը ցույց է տալիս, որ բոլոր այն երկրները, որոնք այդ մոտեցումն են կիրառում, զբոսաշրջության ոլորտում մեծ հաջողություններ են գրանցում: Հայաստանը զբոսաշրջության զարգացման մեծ ներուժ ունի, պարզապես պետք է ներդրում արվի, զբոսաշրջության ոլորտին ուղղված ֆինանսավորումն ավելացվի»,-հավելեց Ավետիս Կիտանյանը:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Ֆինանսների նախարարությունը Վիտալի Բալասանյանից փաստեր է պահանջում

Արցախի ընտրություններին մեկնող դիտորդներն արագ թեստավորում կանցնեն

Search