Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը այսօր Իտալիայում անցկացվող «Երաժշտության ներքո» խորագիրը կրող երաժշտական փառատոնի և դաշնամուրային մրցույթի շրջանակներում կղեկավարի Հռոմի Roma Tre նվագախումբը։

11 հուլիսի, 2018, 13:58

Սերգեյ Սմբատյանը ղեկավարելու է Հռոմի Roma Tre նվագախումբը

ՍՏԵՓԱՆԱԿԵՐՏ, հուլիսի 11, ԱՐՑԱԽՊՐԵՍ: Հայաստանի պետական սիմֆոնիկ նվագախմբի հասարակայնության հետ կապերի բաժնի հաղորդմամբ, որպես մենակատարներ հանդես կգան մոսկվայաբնակ մեր հայրենակից, ջութակահար Հայկ Կազազյանը ևհայտնի կլարնետահար Շիրլի Բրիլը։ Ծրագրում կհնչեն Լյուդվիգ վան Բեթհովենի և Ալեքսեյ Շորի ստեղծագործություններից։

Համերգը կկայանա Հռոմի հանգույն օպերային թատրոններից մեկնում՝ 1732 թվականին բացված Teatro Argentina-ում։ Այն կառուցված է Պոմպեյի թատրոնի մի հատվածում։

«Երաժշտության ներքո» միջազգային փառատոն-մրցույթը կյանքի է կոչվում Մշակույթի աջակցության եվրոպական հիմնադրամի կողմից։ Այն մեկնարկել է հուլիսի 9-ին և կշարունակվի մինչեւ հուլիսի 17-ը։ Փառատոնային համերգներն երաժշտասերներին հնարավորություն կտան ունկնդրելու ամենատարբեր երկացանկ՝ օպերայից, մինչեւ սիմֆոնիկ, դաշնամուրային և նվագախմբային գործեր։

Մրցույթ-փառատոնի նպատակն է ներկայացնել աշխարհում մեծ ճանաչում ունեցող երաժիշտների, ինչպես նաեւ դասական արվեստում բացահայտելու նոր անուններ։