Հայաստան-ԵՄ վիզաների ազատականացման հարցը նույնպես եղել Նիկոլ Փաշինյանի բրյուսելյան այցի օրակարգում:
ՀՀ-ԵՄ վիզաների ազատականացման հարցը եղել է Փաշինյանի բրյուսելյան այցի օրակարգում. Բալայանը մանրամսսնում է
ՍՏԵՓԱՆԱԿԵՐՏ, հուլիսի 16, ԱՐՑԱԽՊՐԵՍ: Այս մասին, այսօր՝ հուլիսի 16-ին, լրագրողների հետ ճեպազրույցի ժամանակ նշել է ՀՀ արտաքին գործերի նախարարության մամուլի խոսնակ Տիգրան Բալայանը, փոխանցում է news.am-ն:
Նրա խոսքով, Նիկոլ Փաշինյանի հայտարարությունը, թե ԵՄ-ն հեղափոխությունից հետո Հայաստանի համար նախատեսվող աջակցության ծավալը չի ավելացնում, Տիգրան բալայանն ասաց, որ վարչապետի այս հայտարարությունը նշանակում է, որ հայկական կողմը, բացի հայտարարություններից՝ ակնկալում է նաեւ առարկայական աջակցություն ՀՀ զարգացմանը. «Խոսքը ժողովրդարացման եւ քաղաքացիական հասարակության ինստիտուտների ամրապնդման հետ զուգահեռ՝ հավելյալ աջակցություն ցույց տալու մասին է»։
Հարցին, թե վարչապետի այդ հայտարարությանն արդեն որեւէ արձագանք եղե՞լ է, Տ. Բալայանն պատասխանեց, որ բացասական արձագանք չեն ստացել, ու ակնկալում են, որ իրենց սպասումները դրական ընթացք կունենան։
Խոսելով ՀՀ-ԵՄ վիզաների ազատականացման խնդրի մասին՝ Տ. Բալայանն ասաց, որ այս հարցը եւս եղել է վարչապետի այցի օրակարգում. «Մենք ակնկալում ենք համապատասխան մանդատի տրամադրումը ԵՄ հանձնաժողովի կողմից՝ երկխոսության մեկնարկի մասով։ Դա չի նշանակում, որ վաղը կամ մեկ տարուց մենք պետք է ունենանք այդ ազատականացված ռեժիմը, բայց պետք է երկխոսությունը մեկնարկի, որ տեսնենք՝ ինչի շուրջ ենք խոսում»։
Օրերս ՀՀ վարչապետ Նիկոլ Փաշինյանը ֆեյսբուքյան իր էջում գրել էր. «ԵՄ գործընկերներից մեկի հետ հանդիպման ժամանակ տարակուսանք հայտնեցի, որ ԵՄ-ն հեղափոխությունից հետո Հայաստանի համար նախատեսվող աջակցության ծավալը չի ավելացնում: ԵՄ մի պաշտոնյա արձագանքեց, թե՝ ինչո՞ւ եք այդպես ասում, 10 միլիոն եվրոյով ավելացրել ենք: Ես էլ ասացի, որ մենք մի քանի քրեական գործերով արդեն 42 միլիոն դոլար ենք գեներացրել, ու եթե մեր հայտնի կոռուպցիոներներից մեկին մի լավ թափ տանք, գրպաններից այդքան գումար կթափվի: Ասածիս իմաստն այն է, որ ժողովրդավարական Հայաստանը շատ ավելի լուրջ վերաբերմունք է ակնկալում»:
