Artsakhpress

Ռազմական

Մարտական հերթապահություն իրականացնող անձնակազմի պարենային ապահովումը գտնվում է հրամկազմի հատուկ ուշադրության կենտրոնում

Պարենային ապահովումը հանդիսանում է զինված ուժերի թիկունքային ապահովման կարևորագույն բաղադրիչներից մեկը, որը ուղղակի ազդեցություն ունի զինծառայողների տրամադրության, հանրապետության և զինված ուժերի ղեկավարության նկատմամբ վերաբերմունքի և մեծ հաշվով, թեկուզև անուղղակի, մարտական պատրաստության և պատրաստականության գործընթացների վրա:

Մարտական հերթապահություն իրականացնող անձնակազմի պարենային ապահովումը գտնվում է հրամկազմի հատուկ ուշադրության կենտրոնում

Մարտական հերթապահություն իրականացնող անձնակազմի պարենային ապահովումը գտնվում է հրամկազմի հատուկ ուշադրության կենտրոնում
ՍՏԵՓԱՆԱԿԵՐՏ, հուլիսի 17, ԱՐՑԱԽՊՐԵՍ-ՄԱՐՏԻԿ: Իհարկե դժվար և գրեթե անհնարին է, որ բոլոր զինծառայողները, ովքեր ներկայացնում են տարբեր սոցիալական խմբեր և ստացել են տարբեր դաստիարակություն, ունենան նույն ընկալումները, վերաբերմունքն ու գնահատականները բանակային սննդի որակի, տեսականու և մատուցման մակարդակի վերաբերյալ, սակայն ոլորտում որոշակի գործառույթներ իրականացնող թիկունքայինները վստահեցնում են, որ ջանք ու եռանդ չեն խնայում` հայրենյաց պաշտպաններին գոհացնելու համար:
Վերջին շրջանում նկատելի դրական տեղաշարժեր են արձանագրվել զինծառայողներին տրվող սննդի որակի, բազմազանության և, որ պակաս կարևոր չէ, նաև զորամասերի ճաշարանային պայմանների բարելավման ուղղությամբ: Մշտական տեղակայման վայրերում, մասնագետների հավաստմամբ, անձնակազմին տրվում է բալանսավորված և պահանջվող չափանիշներին համապատասխանող սնունդ, որը զինվորական հագեցած ու ծանրաբեռնված պարապմունքներից հետո հնարավորություն է տալիս զինծառայողներին վերականգնել ուժերն ու նախապատրաստվել օրվա կարգացուցակով նախատեսված հաջորդ միջոցառումներին: Ընդ որում` ոլորտի պատասխանատուները հոգում են, որ մատուցվող սնունդը ունենա ոչ միայն անհրաժեշտ սննդային արժեք, այլ նաև պարունակի համապատասխան քանակի վիտամիններ և օրգանիզմի բնականոն կենսագործունեության նախապայման հանդիսացող այլ օրգանական նյութեր: Անձնակազմի սննդակարգը խստիվ կանոնակարգված է և ամեն օր վերահսկվում է զորամասային ու բանակային համապատասխան մարմինների կողմից: Սակայն, կախված եղանակային պայմաններից, կարող են սննդակարգում մտցվել որոշակի փոփոխություններ:
Մարտական հերթապահություն իրականացնող անձնակազմի պարենային ապահովումը գտնվում է հրամկազմի հատուկ ուշադրության կենտրոնում: Այստեղ մշտապես առկա են արագ պատրաստվող կիսաֆաբրիկատ ձավարեղենային և բանջարեղենային ապուրներ, մսի և մսաբուսական պահածոներ, տարբեր սոուսներ, ձու, պանիր, օշարակ, սուրճ և այլն: Արագ փչացող տեսականին մարտական դիրքեր հասցվում է օգտագործման համար նախատեսված օրերին:
Այստեղ սնվում են ինչպես մշտական տեղակայման վայրերում` օրը երեք անգամ, սակայն գիշերային ժամերին, հերթափոխից առաջ և հետո, տղաները հնարավորություն ունեն խմել թեյ կամ սուրճ, ճաշակել քաղցրավենիք:
Բանակի պարենային ապահովման գործընթացը շարունակ գտնվում է կատարելագործման նոր ուղիների փնտրտուքի մեջ և այստեղ հաշվի են առնվում առաջին հերթին անձնակազմի առաջարկները, դիտողություններն ու նկատառումները:
Հաշվի են առնվում նաև զինվորների ծնողների կարծիքները, ովքեր երդման և այլ արարողությունների ժամանակ հնարավորություն են ստանում օգտվել իրենց զավակների ամենօրյա ճաշացանկից: Ըստ այդմ, մշակվում են նոր մոտեցումներ, որոնք ապահովում են զինված ուժերի պարենային ծառայության բնականոն աշխատանքն ու նպաստում մարտական և ուսումնական խնդիրները բարձր մակարդակով կյանքի կոչելու գործընթացին:
Ա. Ավանեսյան

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

ՀՀ գլխավոր դատախազի հանձնարարությունը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Search