Artsakhpress

Մշակույթ

Ստեփանակերտի համար 10 դպրոցում մանկապատանեկան ճամբար է կազմակերպվում

Այսօր` հուլիսի 18-ին, Ստեփանակերտի Ավետիք Իսահակյանի անվան համար 10 հիմնական դպրոցում տեղի է ունեցել «Արևիկ» մանկապատանեկան ճամբարի բացման հանդիսավոր արարողությունը:

Ստեփանակերտի համար 10 դպրոցում մանկապատանեկան ճամբար է կազմակերպվում

Ստեփանակերտի համար 10 դպրոցում մանկապատանեկան ճամբար է կազմակերպվում
ՍՏԵՓԱՆԱԿԵՐՏ, հուլիսի 18, ԱՐՑԱԽՊՐԵՍ: «Արցախպրես»-ի թղթակցի հաղորդմամբ` միջոցառմանը ներկա ԱՀ կրթության, գիտության և սպորտի նախարար Նարինե Աղաբալյանը ողջունել է մասնակիցներին` ասելով, որ դպրոցն իր հյուրընկալ դռներն է բացել ճամբարականների առաջ` ամառային հանգիստը հետաքրքիր և բովանդակալից դարձնելու, առօրյան ամենատարբեր միջոցառումներով հագեցնելու համար:
«Ճամբարի կազմակերպումը շատ կարևոր է, որպեսզի պատանիներն առավելագույնս կարողանան օգտվել ընձեռնված հնարավորությունից` շփվելով միմյանց հետ, մասնակցելով տարբեր միջոցառումների:
Մասնակիցներից յուրաքանչյուրն օժտված է ամենատարբեր հմտություններով և տաղանդով, որը կարող է բացահայտվել հենց այստեղ»,- ասել է Ն. Աղաբալյանը և, դիմելով ճամբարականներին, ընդգծել, որ նրանք են ապագա նախարարները, պաշտոնյաները, երկրին պաշտպան կանգնողները:
Իր հերթին դպրոցի տնօրեն, ճամբարի ղեկավար Անահիտ Հակոբյանը նշել է, որ ծրագրի շրջանակներում կազմակերպվելու են նաև ճանաչողական այցեր դեպի Արցախի պատմամշակութային վայրեր:
«Ցերեկային ճամբարը տեղի է ունենալու երկու հերթափոխով: Յուրաքանչյուր հերթափոխին կընդգրկվեն 150 երեխաներ մայրաքաղաքի տարբեր դպրոցներից: Հերթափոխի տևողությունը կլինի 10 օր: Ճամբարի մեկնարկն ազդարարվում է առավոտյան ժամը 9:00-ին և տևում մինչև 17:00-ը: Առօրյան հագեցած է լինում սպորտային խաղերով, երաժշտական տարբեր միջոցառումներով»,- ավելացրել է Ա. Հակոբյանը:
Հանդիսավոր բացմանը ճամբարի մասնակիցները հանդես են եկել ասմունքով, երաժշտական և պարային մի շարք համարներով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search