«Օսմ» հիմնադրամի Արցախի մասնաճյուղը հայտարարում է մրցույթ՝ ֆինանսավորելու նորարարական և ստեղծագործական տարբեր նախագծեր
«Օսմ» միջազգային հիմնադրամի Արցախի մասնաճյուղը հայտարարում է իր առաջին մրցույթը՝ ընդունելով հայտեր նորարարական ու ստեղծագործական նախագծերի ֆինանսավորման համար:
«Օսմ» հիմնադրամի Արցախի մասնաճյուղը հայտարարում է մրցույթ՝ ֆինանսավորելու նորարարական և ստեղծագործական տարբեր նախագծեր
ՍՏԵՓԱՆԱԿԵՐՏ, հուլիսի 18, ԱՐՑԱԽՊՐԵՍ: «Օսմ» միջազգային հիմնադրամի արցախյան մասնաճյուղը հիմնվել է վերջերս՝ Արցախից, Հայաստանից և Սփյուռքից՝ մի խումբ անկախ մարդկանց նախաձեռնությամբ, որոնք իրենց միջոցներով ֆինանսավորում են մրցույթում հաղթող նախագծերը և սատարում դրանց կյանքի կոչմանը:
Ամեն հաղթող նախագծի հեղինակին տրվում է հազար ԱՄՆ դոլարին համարժեք դրամի դրամաշնորհ, Արցախում նորարարական և ստեղծագործական մեկ գաղափարի իրագործման համար:
Ներկայացվող նախագծերը պետք է համապատասխանեն հետևյալ չափորոշիչներին.
Իրագործվեն Արցախի տարածքում Լինեն նոր նախագծեր, ոչ թե արդեն գոյություն ունեցող նախագծերի շարունակություն Իրագործվեն առավելագույնը 2 ամսվա ընթացքում Լինեն իրատեսական, ցանկալի է՝ նաև զիլ ու ստեղծագործական Ապահովեն կոնկրետ արդյունք Իրականացվեն կամավորության սկզբունքով
Տրված դրամաշնորհը պետք է ծածկի իրականացման ծախսերն ամբողջությամբ՝ բացառելով որևէ աշխատավարձ:
Հիմնադրամն ակնկալում է նորարարական, հետաքրքիր և արտասովոր գաղափարներ, որոնք միավորող են և հեռուն գնալու ներուժ ունեն, ինչպես նաև նախագծեր, որտեղ դրամաշնորհը կարող է խթան հանդիսանալ սկսելու մի նոր՝ ավելի մեծ նախագիծ։
«Օսմ» հիմնադրամի և նրա արցախյան մասնաճյուղի վերաբերյալ ավելի մանրամասն տեղեկատվություն կարող եք ստանալ այստեղ, իսկ հարցերի դեպքում՝ այցելել հիմնադրամի ֆեյբուքյան էջ: