Գլինկայի անվան վոկալիստների միջազգային XXV հոբելյանական մրցույթը կմեկնարկի դեկտեմբերի 9–ին Գլինկայի անվան երաժշտական մշակույթի կենտրոնական թանգարանում, մրցույթին կմասնակցեն Ռուսաստանի, ԱՄՆ–ի, Ֆրանսիայի, Ուկրաինայի, Ադրբեջանի, Հայաստանի, Բելառուսի, Իսրայելի, Ղազախստանի, Կորեայի, Ղրղըզստանի, Մոլդովայի և Մոնղոլիայի ներկայացուցիչները, հաղորդում է մրցույթի մամուլի ծառայությունը։
Հայ երաժիշտները կմասնակցեն Մոսկվայում կայանալիք Գլինկայի անվան վոկալիստների միջազգային մրցույթին
ՍՏԵՓԱՆԱԿԵՐՏ, 9 ԴԵԿՏԵՄԲԵՐԻ, ԱՐՑԱԽՊՐԵՍ։ Մրցույթը կանցկացվի Մոսկվայում դեկտեմբերի 8–19–ը։
«Սա խոշորագույն երաժշտական ֆորումներից է, որն ունի բարձրագույն միջազգային կարգավիճակ և վայելում է պրոֆեսիոնալների ճանաչումը, մրցույթը կողմնորոշված է հայրենական վոկալային ռեպերտուարի ուղղությամբ, ինչը միշտ նպաստել է ռուսական երաժշտական մշակույթի հեղինակության ամրապնդմանը», – հաղորդում է մամուլի ծառայությունը։
Ռուսաստանի և ԱՊՀ երկրների գրեթե բոլոր երգիչները, ովքեր առաջատար դիրքեր են զբաղեցնում համաշխարհային օպերային բեմի վրա, Գլինկայի անվան մրցույթի տարբեր տարիների դափնեկիրներ են, նրանց թվում են Աննա Նետրեբկոն, Վլադիմիր Ատլանտովը, Եվգենի Նեստերենկոն, Ելենա Օբրազցովան, Դմիտրի Խվորոստովսկին և այլոք, հաղորդում է ՌԻԱ Նովոստին։
Ժյուրին գլխավորում է ԽՍՀՄ ժողովրդական արտիստ Վլադիսլավ Պյավկոն, ժյուրիի կազմում համաշխարհային վոկալային արվեստի աստղեր են` Պյոտր Սկուսնիչենկո, Հրայր Խանեդանյան, Ֆելիքս Կորոբով, Վլադիմիր Չերնով, Ելենա Զելենսկայա, Գեդրա–Մարիա Կաուկայտե, Օլեգ Մելնիկով, Պիետրո Բալլո, Կոռնելիու Մուրգու և այլք։ Մրցույթին ներկայացվել է 2012 հայտ Ուկրաինայից, ԱՄՆ–ից, Ֆրանսիայից, Ադրբեջանից, Հայաստանից, Բելառուսից, Իսրայելից, Ղազախստանից, Կորեայից, Ղրղըզստանից, Մոլդովայից, Մոնղոլիայից, ներկայացված են Ռուսաստանի գրեթե բոլոր կոնսերվատորիաները, ԱՊՀ երկրների ազգային կոնսերվատորիաները, երաժշտության ակադեմիաներն ու մշակույթի համալսարանները։
Եզրափակչի մասնակիցների գալա–համերգը տեղի կունենա դեկտեմբերի 18–ին Մոսկվայի Չայկովսկու անվան պետական կոնսերվատորիայի մեծ դահլիճում։ Դափնեկիրների պարգևատրման արարողությունը տեղի կունենա դեկտեմբերի 19–ին Երաժշտական գործիչների միջազգային միությունում։
Մրցույթն անցկացվում է 1960թ.–ից։ Մրցույթի հիմնադիրներն են ՌԴ մշակույթի նախարարությունը, Երաժշտական գործիչների միջազգային միությունը, Մոսկվայի Չայկովսկու անվան պետական կոնսերվատորիան, Պոպովի անվան երգչախմբային արվեստի ակադեմիան, Իրինա Արխիպովայի հիմնադրամը։