Artsakhpress

Հասարակական

Համոզված եմ, որ Արցախը զբոսաշրջիկներին էլ ավելի կգրավի իր մաքուր բնամթերքով. ֆրանսահայ խոհարար (լուսանկարներ)

ԱՀ էկոնոմիկայի և արտադրական ենթակառուցվածքների նախարարության նախաձեռնությամբ, Արցախի «Պոլ Էլուար» տուն ֆրանկոֆոնիայի կենտրոն հիմնադրամի ծրագրերի շրջանակներում, հայկական արմատներ ունեցող ֆրանսիացի շեֆ խոհարար Ալեն Ալեքսանյանն այցելել է Արցախ՝ ծանոթանալու արցախյան խոհանոցի գաղտնիքներին, ինչպես նաև իր հին ու ավանդական բարադրատոմսերը ներկայացնելու տեղի խոհարարներին ու հրուշակագործներին:

Համոզված եմ, որ Արցախը զբոսաշրջիկներին էլ ավելի կգրավի իր մաքուր բնամթերքով. ֆրանսահայ խոհարար (լուսանկարներ)

Համոզված եմ, որ Արցախը  զբոսաշրջիկներին  էլ  ավելի   կգրավի   իր   մաքուր   բնամթերքով.  ֆրանսահայ  խոհարար (լուսանկարներ)
ՍՏԵՓԱՆԱԿԵՐՏ, օգոստոսի 9, ԱՐՑԱԽՊՐԵՍ: Ալեն Ալեքսանյանն  օգոստոսի   3-10 Ստեփանակերտի  «Վալլեքս Գարդեն»   հյուրանոցային  համալիրում   անց  է  կացնում  խոհարարական    դասընթացներ, որին  մասնակցում  են   Արցախում  գործող  արտադրական ընկերությունների  աշխատակիցներ  և   անհատ   ձեռներեցներ:
«Արցախպրես»-ի թղթակցի հետ զրույցում Ալեն Ալեքսանյանն ասել է, որ ինքն Արցախում է հուլիսի 28-ից: Նա այցելել է Արցախի տարբեր շրջաններ, մտել պատահական տներ և համտեսել նրանց պատրաստած արցախյան ուտեստները:
«Նկատել եմ որ արցախցիները շատ հյուրասեր մարդիկ են, բոլորն էլ սիրով են հյուրընկալել ինձ և մատչելի ձևով բացատրել ուտեստների պատրաստման ձևերն ու եղանակները, ինչպես նաև խոսել դրանց օգտակարության մասին: Արցախի օդը մաքուր է, բնությունը՝ կախարդիչ, այստեղ աճում են տարբեր բուսատեսակներ, որոնք զուրկ են արհեստական լրացուցիչ սնուցումից: Արցախի բնակլիմայական պայմանները նպաստում են այստեղ տարատեսակ բույսերի բազմազանության առկայությանը,-ասել է Ա. Ալեքսանյանը և ավելացրել,- ես այստեղ եմ, ոչ միայն ֆրանսիական ուտեստներ ներկայացնելու, այլև ծանոթանալու և սովորելու Արցախի դարերից եկող խոհանոցային հարուստ մշակույթին: Ցանկալի կլինի, որ Արցախի այցեքարտ «Ժենգյալով հաց» ուտեստը տարածվի աշխարհով մեկ, ինչպես, օրինակ, իտալական «Պիցցա»-ն»:
Խոսելով արցախյան և ֆրանսիական խոհանոցների նմանությունների մասին՝ խոհարարն ասել է, որ Արցախի և Ֆրանսիայի   ճաշատեսակներն  ու   բուսատեսակները տարբեր են. դրանք Արցախի յուրօրինակ բնության բարիքներն են:
Անդրադառնալով Արցախին՝ Ա. Ալեքսանյանն ասել է, որ այս երկիրը հեքիաթային է, բայց, ցավոք սրտի, քչերն են ճանաչում Արցախը:
«Ես կանեմ ամեն ինչ, որպեսզի ֆրանսիացիների մոտ հետաքրքրություն առաջացնեմ դեպի Արցախը, նրա հրաշք բնությունը, պատմամշակութային մեծ արժեքները, հերոսական պատմությանը, հյուրասեր և լավատես մարդկանց և ավանդական խոհանոցը: Համոզված եմ, որ Արցախը զբոսաշրջիկներին էլ ավելի կգրավի իր մաքուր բնամթերքով»,-ավելացրել է Ա. Ալեքսանյանը:
Նա տեղեկացրել է, որ ինքն այլ ծրագրերով էլի կայցելի Արցախ:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՊԲ N պաշտպանական շրջանի 7-րդ հրաձգային վաշտի ամբողջ կազմը հետմահու արժանացել է «Մարտական խաչ» առաջին, երկրորդ աստիճանի շքանշանների

Ֆինանսական փոխհատուցման համար ներկայացված դիմումների քանակը գերազանցում է 46 000֊ը. հետագա գործընթացը՝ պատասխանատուի ներկայացմամբ

Արցախում զինծառայող է մահացել

68 հազար դրամ՝ սոցաջակցության ծրագրի վերջին. հունիս ամսի փոխանցումն ամբողջությամբ իրականացվել է

Հանրապետության ողջ տարածքում ժամանակավորապես դադարեցվել է գազամատակարարումը

Շտապ անհրաժեշտ է առաջին կարգի բացասական արյուն

Քարվաճառում ադրբեջանցի զինծառայողին դաժանաբար ծեծել է իր իսկ ծառայակիցը. բացառիկ կադրեր

Մահվան ելքով ավտովթար Ստեփանակերտ-Գորիս ավտոճանապարհին

Մաճկալաշեն համայնքի բնակիչներից մեկը հայտնվել է ադրբեջանական ԶՈՒ վերահսկողության տակ գտնվող տարածքում. ՄԻՊ

Search