ԱՄՆ-ի նախագահ Դոնալդ Թրամփի վարչակազմը հրաժարվել Է տնային կալանքից ամերիկացի պաստոր Էնդրյու Բրանսոնի ազատման հարցը կապակցել թուրքական Halkbank բանկի նկատմամբ հետաքննության դադարեցման հետ:
ԱՄՆ-ը հրաժարվել Է պաստոր Բրանսոնի ազատումը կապակցել Halkbank-ի տուգանքների հետ. The Wall Street Journal
ՍՏԵՓԱՆԱԿԵՐՏ, օգոստոսի 20 ԱՐՑԱԽՊՐԵՍ-ԱՐՄԵՆՊՐԵՍ: Այդ մասին օգոստոսի 19-ին հայտնել Է The Wall Street Journal թերթը:
Սպիտակ տանը նրա աղբյուրների տեղեկությունների համաձայն՝ պաստորին ազատելու Վաշինգտոնի պահանջների կապակցույթամբ թուրքական կողմը, «ձգտելով հասնել պատասխան քայլի», խնդրել Է ԱՄՆ-ին՝ ավարտել հետաքննությունը Halkbank-ի նկատմամբ»: ԱՄՆ-ում նրան միլիարդավոր դոլարների տուգանքներ են սպառնում Իրանի դեմ սահմանված պատժամիջոցների խախտման համար: Ինչպես նշվում Է հրապարակման մեջ, ԱՄՆ-ը հրաժարվել Է այդ առաջարկությունից, ինչը «պայմաններ կստեղծի արդեն այս շաբաթ ԱՄՆ-ի կողմից Անկարայի դեմ սահմանափակիչ միջոցների հերթական շարքի ընդունման համար»:
Ինչպես ճշտել են աղբյուրները, «ԱՄՆ-ը Թուրքիային հասկանալ Է տվել, որ երկների միջեւ վիճելի հարցերը, այդ թվում՝ Halkbank-ի նկատմամբ տուգանքները, չեն քննարկվի, քանի դեռ չեն ազատել Բրանսոնին»: «ՆԱՏՕ-ի գծով իսկական դաշնակիցը նախեւառաջ չԷր ձերբակալի Բրանսոնին»,- նշել Է Սպիտակ տան ներկայացուցիչը:
Օգոստոսի 17-ին Թուրքիայի Իզմիր քաղաքի դատարանը դարձյալ հրաժարվել Է տնային կալանքից ազատել ահաբեկիչներին օժանդակելու մեղադրանքով ձերբակալված ամերիկացի պաստոր Էնդրյու Բրանսոնին: Դա Բրանսոնի փաստաբան Իսմայիլ Ջեմ Հալավուրտի՝ պաստորին ձերբակալելու դատարանի վճռի բողոքարկման արդեն երրորդ փորձն Էր:
Մինչդեռ ԱՄՆ-ի նախագահ Դոնալդ Թրամփը հայտարարել Է, որ եթե Թուրքիան չազատի ձերբակալված ամերիկացի պաստոր Էնդրյու Բրանսոնին, Վաշինգտոնը կնվազեցնի այդ երկրին ցուցաբերվող աջակցության մակարդակը: «Մենք ոչինչ չենք վճարի անմեղ մարդու ազատման համար, բայց մենք կկրճատենք Թուրքիային ցուցաբերվող աջակցությունը»,- գրել Է ԱՄՆ-ի նախագահը Twitter-ում:
Նա նշել Է, որ «Թուրքիան երկար տարիներ օգտվել Է Միացյալ Նահանգներից», ընդսմին Բրանսոնին անվանելով «մեծ հայրենասեր, որը պատանդի վիճակում Է»:
Ավելի վաղ ԱՄՆ-ի ֆինանսների նախարար Սթիվեն Մնուչինը հայտարարել Է, որ Ամերիկան պաստորի գործի կապակցությամբ կարող Է ընդլայնել Թուրքիայի դեմ սահմանված պատժամիջոցների ցուցակը: «Մենք արդեն պատժամիջոցներ ենք սահմանել նրա կաբինետի մի քանի անդամների նկատմամբ: Մենք ավելի շատ միջոցներ ենք պլանավորել, եթե թուրքերն արագորեն չազատեն նրան»,- ասել Է նախարարը, հաղորդել Է ՏԱՍՍ-ը:
