Թուրքիան կարող է «ակնթարթորեն» վերջ դնել ԱՄՆ-ի հետ ճգնաժամին՝ ազատ արձակելով պաստոր Էնդրյու Բրանսոնին։
Թուրքիան կարող է «ակնթարթորեն» վերջ դնել ԱՄՆ-ի հետ ճգնաժամին՝ ազատ արձակելով պաստոր Բրանսոնին․ Բոլթոն
ՍՏԵՓԱՆԱԿԵՐՏ, օգոստոսի 22, ԱՐՑԱԽՊՐԵՍ: Այս կարծիքը Բոլթոնը հայտնել Է Reuters գործակալությանը տված հարցազրույցում, որը տարածվել Է օգոստոսի 22-ին:
«Թուրքական իշխանությունները մեծ սխալ գործեցին՝ ազատ չարձակելով պաստոր Բրանսոնին»,- հայտարարել Է Բոլթոնը: Նա նաեւ նշել Է, որ երկու երկրների հարաբերություններում ստեղծված ճգնաժամը «կարող Է ավարտվել ակնթարթորեն, եթե Թուրքան՝ որպես ՆԱՏՕ-ի դաշնակից եւ Արեւմուտքի բաղկացուցիչ մաս, ճիշտ վարվի եւ առանց նախապայմանների ազատի Բրանսոնին»:
Պատասխանելով ՆԱՏՕ-ին Թուրքիայի հետագա անդամակցության վրա պաստորի հետ կապված միջադեպի ազդեցության վերաբերյալ հարցին, ԱՄՆ-ի նախագահի ազգային անվտանգության հարցերով օգնականը հայտարարել Է, որ նման խնդիր «օրակարգում չկա»: «Մենք կենտրոնացած ենք պաստոր Բրանսոնի եւ մյուս այն ամերիկացիների վրա, որոնք ապօրինաբար ձերբակալված են Թուրքիայի կառավարության կողմից»,- նշել Է Բոլթոնը:
Նախօրյակին ԱՄՆ-ի նախագահ Դոնալդ Թրամփը հայտարարել Է, որ Թուրքիան սխալ Է գործում՝ պատասխան միջոցներ կիրառելով Միացյալ Նահանգների դեմ, եւ հավելել Է, որ Վաշինգտոնը մտադիր չԷ զիջումների գնալ Անկարային: Դրա հետ մեկտեղ նա նշել Է, թե իրեն չի հուզում, որ Թուրքիայի հետ հարաբերությունների սրումը կարող Է ազդել այլ երկրների տնտեսական իրադրության վրա: «Ես ապրումներ չունեմ այդ կապակցությամբ, ոչ մի ապրում: Դա այն Է, ինչ հարկավոր Է անել»,- ասել Է ԱՄՆ-ի նախագահը:
Թրամփը հայտարարել Է, որ եթե Թուրքիան չազատի ձերբակալված ամերիկացի պաստոր Էնդրյու Բրանսոնին, Վաշինգտոնը կնվազեցնի այդ երկրին ցուցաբերվող աջակցության մակարդակը: «Մենք ոչինչ չենք վճարի անմեղ մարդու ազատման համար, բայց մենք կկրճատենք Թուրքիային ցուցաբերվող աջակցությունը»,- հավելել Է ԱՄՆ-ի նախագահը:
Ավելի վաղ ԱՄՆ-ի ֆինանսների նախարար Սթիվեն Մնուչինը հայտարարել Է, որ Ամերիկան պաստորի գործի կապակցությամբ կարող Է ընդլայնել Թուրքիայի դեմ սահմանված պատժամիջոցների ցուցակը: «Մենք արդեն պատժամիջոցներ ենք սահմանել նրա կաբինետի մի քանի անդամների նկատմամբ: Մենք ավելի շատ միջոցներ ենք պլանավորել, եթե թուրքերն արագորեն չազատեն նրան»,- ասել Է նախարարը, հաղորդել Է ՏԱՍՍ-ը: